يلا يا شباب شيماء علي الكرسي عايزاكم تظبطوها ^__^

حرام عليك دعيت على تلت تربع المنتدى مش هيبفى في اعضاء

فين الاجابة ع بقيت اسئلتى

born 2 love allah كتب:: فين الاجابة ع بقيت اسئلتى

النهاردة إن شاء الله بليل هاكملهم

born 2 love allah كتب:: استعد للجزء الثانى
ايه اكتر حاجه بتحبها فى نفسك؟
الحدة
امتى بتزعل من نفسك قووووووووووووووى؟
لما بظلم حد
وامتى بتفرح من نفسك قووووووى؟
لما بتخذ قرارات عادلة أو أخلى الآخرين يتبسطوا
انت اتظلمت صح ؟ ايه نوع الظلم ده؟
لا ماتظلمتش
_مين فى المنتدى يعتبر اطيب قلب ومين اوحش قلب؟
أطيب قلب كتير
أوحش قلب محدش
..ما هو شعوركوما هى الاسئله التى توقعتى أن يسالك بها الاعضاء..؟
عادى يعنى الأسئلة المعتادة أية رأيك فى دة و دة و بتحب أية و تكره أية و كدة يعنى
عندما علمت بجلوسك على كرسى التحقيق..؟..
:llk:
بس على فكرة أنا كنت متوقع كدة
ماذا تعنى لك هذه المواقف...
-بكاء الطفل.. شىء مؤلم
-أنين الأم شىء مؤلم
-البحر وقت الغروب شىء جميل
-شخص بلا وطن مفيش شخص بلا وطن !!
-نزول المطر الخير
ما هو الدعاء الذى تحبه وتردده باستمرارا؟
لا إله إلا أنت سبحانك أنى كنت من الظالمين
ما هى أجمل مرحله دراسية مررت بها ؟ولماذا؟
كل المراحل الدراسية عندى متشابهة فى الحب
هل لك علاقة بالمطبخ ؟ وهل تجيد الطبخ؟
لا
احكيلى موقف مضحك مر بيك ولن تنساه ابدا؟
محصليش مواقف
كيف تعبر عن سعادتك؟
عادى يعنى
-هل تمنيت الموت فى يوم من الايام ؟ولماذا؟ "بعد الشرّ عنك طبعاا".
لا
ما هى نغمه موبايلك؟
معنديش موبايل
اعضاء تحب تواجدهم فى المنتدى ساعة تواجدك؟
كل الاعضاء
ايه رايك فى اعضاء المنتدى بكل صراحه وبالاخص انا؟
كل الاعضاء بحبهم فى الله و من غير تفرقة
المحترم بحترمه و الى مش محترم يا أما يتعدل يا ......
أما أنت فمشرفة مميزة
مين الشخص اللى تحب التقرب منه؟ ومين الشخص اللى تحبالابتعاد عنه؟
أمى
محدش
انت بتحب احمد حسن صح ؟ليه؟
أكيد يعنى
من أحسن لاعيبة خط الوسط فى مصر
مرونة تكتيكية عالية و لياقة بدنية لمدة 90 دقيقة
لاعب مصرى بمقاسات عالمية زى عمرو زكى كدة
هل انت من الشخصيات اللى من السهل التاثير عليها؟
لا
لو اضيقت من شخص ممكن تتنرفز عليه ولا تبعد عنه؟
لا فى الغالب ببعد عنه علشان أهدى نفسى
لورجع الزمن بيك للوراء ايه اللى ممكن تغيرفي حياتك؟
مفيش حاجة عاوز أغيرها فى حياتى
لو فى ايديك تغيرى 3 حاجات فى شخصياتك تختار ايه؟
العصبية - قلة النظام و التالت مفيش
لو حبيت شخص ممكن تقول له؟
أيوة
-ايه الشىء اللى مش ممكن تسامح فيها ابدا؟
الظلم و قلة الادب
عند اخوات؟اسمائهم ايه؟اى واحد قريب منك؟ومين اللى مش طايقه؟ مش عاوز ة
اجابه دبلوماسيه!
معنديش أخوات :lkl:
ماذا تفعل اول شيء اذا كان معاك 100 مليمون جنيه؟ وياريت تقسمهم!
مكركررر
بس على العموم جزء هاتبرع بيه و الجزء التانى هاصرفه على نفسى و العيلة
بتحب انك تتجامل ؟ وليه؟
لا .. لو الموضوع مش جميل بتلاقى منى نقد بناء ( وربما هدام ) فى الغالب
هل انت حاسس انك محبوب من الاعضاء ؟ وليه؟ وادينى اماره؟
الحب دة مفروض عليهم
و الى مش بيحبنى من الاعضاء مصيره سيكون أرساله إلى بلاد ما وراء الشمس
حيث سيتم معاملته هناك أحسن معاملة
أنا أمزح .. أعتقد أنى محبوب من الأعضاء بس "ليه" دى المفروض توجهيها للأعضاء
مش كدة برضة ؟؟
انت عملت مشكله مع عضو؟ مين ؟ واسباب المشكله؟ ودلوقتى بتتعامل معاه ازاى؟
أيوة مع برينس أوف لوف و يويو
أسباب المشكلة الأول معروفة و التانية كانت على موضوع
بتعامل معاه عادى يعنى
مين ارخم واحد فى المنتدى تقيل على قلبك؟ وادينى سبب؟ عاوزة واحد فقط!او وحده!
بلاش علشان محدش يزعل
مين احلى شخصيه فى المنتدى؟ عاوز ة واحد فقط!او وحده!
the falcon2 :lkl:
مين اخف دم فى المنتدى؟ عاوزة اجابه محدده؟
أحمد بسيونى و مصرية و محمود مدير الموقع
مين العضو اللى اول ماتشوفى اسمه تخش على موضوعه على طول؟
كل الأعضاء

هل انت قريب من ربنا؟
بنسبة 85%

انت حاسس انك بتعمل اللى عليك اتجاه والدك ووالدتك؟
الحمد لله

مين احسن واحد لعب فى بطوله افريقيا 2008؟ من وجهه نظرك؟ وليه؟ وحاول تقنعينى ؟
حسنى عبد ربه و أبو تريكة و عمرو زكى
التلاتة كان ليهم دور بارز جداً فى الفوز بالبطولة مع باقى اللاعيبة
للاسف واحد منهم أنتهى
بطاقتك الشخصية كاملة؟المفروض دا كان اول سؤال.
الأسم أحمد ( كفاية الأسم الأولانى)
السن 16
تاريخ الميلاد 3 - 3 - 1992
فصيلة الدم A+
العنوان الدقهلية - المنصورة
العمل طالب ثانوى
اى قسم عجبك فى المنتدى واول ما بتدخل بتفتحه؟
الأقسام الرياضية عموماً
مين العضو اللى انتى بتحب تشوف مواضيعه الاول؟
كل الأعضاء مش بتفرق معى
ايه رايك فى كل من الاعضاء الاتين:
محمود: مدير متميز
yoyo: مواضيعها جميلة و مراقبة متميزة
لكن ردودها على المواضيع تقريباً أنعدمت باستثناء مكرر للحذف
ayoya: الغائبة الحاضرة
pussycat مواضيعها جميلة
ميسون: مش عارف ليها ماعنتش بتدخل إلا كل فين و فيييييييييين
ايه مجدى: كورابيكا مش كدة ؟؟
برضة الغائبة الحاضرة
ادم: الغائب دائماً بس ربنا يرجعه للمنتدى تانى
احمد حسن (صقر مصر)هو عضو معانا وليه الحق:
من احسن لاعيبة خط الوسط فى مصر
انوووووووش: ماعنتش بتدخل إلا قليل
اخيرا انا: مين أنا دة ؟؟
عضو جديد معانا هنا ؟؟ :joker:
خخخخخخخخخخخخخخخ
مشرفة مميزة

ما رايك فى مواضيع كل من :قول رايك فى مواضيع اسماء الاعضاء اللى انا كتباهم فوق اوك ههههه انا لسه هكتب هههههه
كلهم مواضيعهم جميلة و تستحق الأطلاع و القراءة
لمن تعطى هذه الصفات:
عضو حزين: محدش
عضو مرح: أحمد بسيونى
عضو ضحكوك: مش عارف ممكن مصرية
عضو هادى: محدش
عضو دايما مع نفسه ملهوش دعوة بحد: مش عارف
عضو مفقود: محمد حمدى حسن
عضو غامض: prince of love علشان مش عارفين عنه كتير
عضو صريح: بصراحة مش عارف بس ممكن أنت
عضو حساس: برضة مش عارف !!!
عضو بتستريحله:كل الأعضاء
عضو بيحب المجاملة: لا ماظنش أن فى هنا
عضو ما تقدرش تستغنى عنه: كل الاعضاء أكيد
عضو زى اخوك بالظبط: كل الاعضاء بررررررضة
عضوة زى اختك: كل العضوات
عضو اول ما تشوف اسمه تدخل ع مواضيعه: كل الأعضاء
عضو برنس المنتدى: أحمد بسيونى
عضوة برنسيسة المنتدى: ضى القمر
عضزة هادئة: يويو

لمن تعطى هذه الكلمات:
بحبك: أمى و أبى
نفسى اشوفك: محدش
نفسى ترضى عنى: لأى واحد زعلته
مقدرش اعيش من غيرك: أمى طبعاً
ايه الغيبة دى كلها: محدش

-ايه رايك فى البلاد الاتية:
مصر: أم الدنيا
الاسكندرية: من أجمل المدن .. و فى بعض الأحيان بصيف فيها
المنيا :po: يا ساتر يا رب : بسمع أنها جميلة رغم أنى مزرتهاش
سوهاج: معرفش بصراحة عمرى ماشفتها
فرنسا: بحبها من غير سبب
بلجيكا: مش عارف عنها أى حاجة علشان كدة مش هاقدر أقول رأيى
اليابان: حبيتها لما الاهلى راحها
غــــــــــــ ــــــزة: الله يكون فى عون أهلها
-ايه رايك فى اللعيبة الاتية وماذا يمثلوا لك وما هو احلى موقف شاهدهوكذلك اوحش موقف لهم سواء كروى او انسانى:
احمد حسن: لاعيب راجل فى لعبه و من أحسن لاعيبة خط الوسط فى مصر
عيبه القاتل أنه بيحتفظ بالكورة كتير
ماشفتلوش مواقف الصراحة
محمد ابوتريكة: الفنان تاجر السعادة للكرة المصرية .. موقف بتاع تعاطفاً مع غزة .. مفيش
اسامة حسنى: لم بينزل كبديل ببقى مطمن أنه هايعمل حاجة
موقف كويس لما بيتلو القرآن بصوته الجميل .. مفيش
عماد متعب: مهاجم كويس بس عيبه أنه منحوس فى كل حاجة
ماشفتلوش مواقف
عصام الحضرى: مين دة ؟؟
حسن شحاته: عمرى ماطمنت لأختياراته للاعبين + لما بياخد بطولة بحس انه بيتغر جامد
حسنى عبدربه: لاعب وضع نهايته بيديه

_ غرق المنتدى ومعك قارب لايحمل الاثلاثة اشخاص من ستختار من اعضاء المنتدى؟
مكركرررررررر
و قلت أنى مش هاختار حد علشان الاختيار صعب جداً ( ياختار الكل يا بلاش أحسن )
من هو كاتم اسرارك؟
أنا نفسى
ما هو اكثر يوم تحبه في الاسبوع؟
مكركركركركركر
يوم الجمعة
_ هل تعيش قصة حب؟ لا
ما هو اكثر شي يثير خوفك؟ الفشل
هل رسبت في مرحله دراسيه من قبل؟ وماهي الماده التي رسبت فيها؟
لا خالص و الحمد لله
هل ترتدي نظاره طبيه او عدسات طبيه ؟ نظارة طبية
ما هو اكثر شخص يضايقك في المنتدى او في حياتك العامه؟
بلاش علشان محدش يزعل

ماالذي تفكر فيه في هذه اللحظه؟ مفيش

هل انت متدين؟وما هو رايك فى التدين الصحيح؟
الحمد لله
التدين الصحيح برايى أن محدش مثلاً يقول أن بيصلى أو بيصوم و هو مش بيعمل كدة !!!
و طبعاً حرص على أداء الفروض و التقرب إلى ربنا

_ماهو رأيكم بكاتبة الموضوع ؟
مشرفة مميزة
معلش انا حاسة انى طولت وضيقتك وانى مطتفلة فى بعض الاسئلة بص لو فيه سؤالل مش عايز ترد عليه خلاص ما تردتش بس ارجوك بلا تضايق من اسالتى ولو فيه سؤال مضيقك قووووولى عليه
سلاااااااااااام

حراااااااااااااام عليكى يدى تعبت من الكتابة

بهزر طبعاً

يلا أى خدمة

ياريت the falcon2 يتفضل ويختار حد مكانه .. لأن المفروض اسبوعه خلص يوم الجمعة

أصلى بصراحة مش عارف أختار مين

أقولكم نختار prince of love

ينور الكرسي

يلا يا كنج
جاوب ع اسئلتى كلها
لالالالالا مفر

1-اسمك؟
2-عمرك؟
3-لون عيونك؟
4-لون بشرتك؟
5-اكتر مغني بتحبو؟
6-اكتر مغنية بتحبها؟
7-اكتر فيلم اتأثرت فيه لما اتفرجت عليه؟
8-افضل ممثل؟
9-افضل ممثلة
10-بتكره حد؟
11-نوع موبايلك
12-بتحب ولا لأ؟
13-مين اكتر عضو بتحبو؟
14-مين اكتر عضوة بتحبها؟
15-افضل مشرف؟
16-افضل مشرفة؟
17-ايه اسم اكتر صاحب بتحبو؟
18-افضل توقيع عجبك في المنتدى؟
19-اكتر نوع سيارة بتحبو؟

اكمل الفراغات الاتيه ؟
- (( . . . )) عضو توقيعه جميل .
2- (( . . . )) عضو نشيط بصراحة .
3- (( . . . )) عضو مفقود .
4- (( . . . )) عضو دمه خفيف .
5- (( . . . )) عضو واثق من نفسه .
6- (( . . . )) عضو داخل مزاجك .
7- (( . . . )) عضو تتمنى تقابله به .
8- (( . . . )) عضو تحس أنه مثقف .
9- (( . . . )) عضو عايز تعرف معنى اسمه .
10- (( . . . )) عضو عايز تغير اسمه .
11- (( . . . )) عضو تحس انه كبير في السن .
12- (( . . . )) عضو تحسه يفهمك .
13- (( . . . )) عضو عايز تقول ليه ( صح لسانك ) .
14- (( . . . )) عضو يناسبه لقب ( الطموح ) .
15 ـ (( . . . )) عضو تحس ان خفاش دايما يرد بسرررعه ......
16 ـ (( . . . )) عضو عاجبك اسمه .
17 ـ (( . . . )) عضو يستحق الإشراف .
18- (( . . . )) عضو عايز تخرج معاه
19 - (( . . . )) عضو يستاهل الأحترام والتقدير
20 -(( . . . )) عضو تحس انه وسيم
21 -((....)) عضو تعطية درجة امتياز بجدارة
22-((.....)) عضو تحب تتناقش معاه دائما
23_((....)) عضو تهديه وردة جميلة

حاجة كدا على السريع .. واستنى الباقى

هو فين

كل دى اسئله بس احسن خليه يجاوب
هل انته مرتبط؟؟؟؟
لو مرتبط اسمهااااااااا ايه؟؟؟؟؟؟
لو مش مرتبط بتفكر فيه؟؟؟؟؟؟
تعرف واحد كان بيرد على المواضيع اسمه heart of love????

هوا فينو؟

هو خايف ولا ايه؟علي العموم دي اسئلتي؟
1- ايه العيوب اللي انت شايفها في نفسك؟
2-لو انت مدير المنتدي تحب تطرد مين من الاعضاء؟
3-ايه رايك في العضوة نونا حب :poi:

؟

yoyo كتب:: 1-اسمك؟

بلال
2-عمرك؟

15
3-لون عيونك؟

عسلي
4-لون بشرتك؟

ابيض

5-اكتر مغني بتحبو؟

مصطفى كامل
6-اكتر مغنية بتحبها؟

اليسا
7-اكتر فيلم اتأثرت فيه لما اتفرجت عليه؟

مفيش
8-افضل ممثل؟

في الفيلم ولا عموما

لوعموما احمد حلمي
9-افضل ممثلة

منى زكي
10-بتكره حد؟

لا
11-نوع موبايلك

N73
12-بتحب ولا لأ؟

:nocomment:
13-مين اكتر عضو بتحبو؟

كل الاعضاء

بس اكتر واحد احمد الفالكون واحمد بسيوني
14-مين اكتر عضوة بتحبها؟

اعضاء كتير
15-افضل مشرف؟

انا :heyhey:

لو مراقب يبقى احمد

16-افضل مشرفة؟

لو مشرفة يبقى مريم ولو مراقبة يبقى انتي اكيد
17-ايه اسم اكتر صاحب بتحبو؟

محمد
18-افضل توقيع عجبك في المنتدى؟

توقيعات احمد الفالكون كلها جميلة وبتعجبني
19-اكتر نوع سيارة بتحبو؟
لكزس
اكمل الفراغات الاتيه ؟
- ((أحمد الفالكون )) عضو توقيعه جميل .
2- ((أحمد بسيوني )) عضو نشيط بصراحة .
3- ((اهلاوي )) عضو مفقود .
4- ((بسيوني )) عضو دمه خفيف .
5- (( احمد الفالكون )) عضو واثق من نفسه .
6- ((انتي )) عضو داخل مزاجك .
7- (( كل الاعضاء)) عضو تتمنى تقابله به .
8- ((انتي وبسنت)) عضو تحس أنه مثقف .
9- ((مفيش )) عضو عايز تعرف معنى اسمه .
10- ((برده مفيش)) عضو عايز تغير اسمه .
11- ((لو حقيقي طبعا محمد حمدي حسن ولو من طريقة كلامه يبقى بسنت وانتي )) عضو تحس انه كبير في السن .
12- ((احمد الفالكون )) عضو تحسه يفهمك .
13- ((انتي )) عضو عايز تقول ليه ( صح لسانك ) .
14- ((مصرية وانتي )) عضو يناسبه لقب ( الطموح ) .
15 ـ (( مصرية )) عضو تحس ان خفاش دايما يرد بسرررعه ......
16 ـ ((مريم وانتي . )) عضو عاجبك اسمه .
17 ـ ((كل الاعضاء . )) عضو يستحق الإشراف .
18- (( الفالكون )) عضو عايز تخرج معاه
19 - ((انتي طبعا)) عضو يستاهل الأحترام والتقدير
20 -((بسيوني. )) عضو تحس انه وسيم
21 -((الفالكون وانتي .)) عضو تعطية درجة امتياز بجدارة
22-((طبعا احمد الفالكون..)) عضو تحب تتناقش معاه دائما
23_((.يويو)) عضو تهديه وردة جميلة

حاجة كدا على السريع .. واستنى الباقى

ماشي انا مستني بس بسرعة

heart of love كتب:: كل دى اسئله بس احسن خليه يجاوب:ffr:
هل انته مرتبط؟؟؟؟
لا
لو مرتبط اسمهااااااااا ايه؟؟؟؟؟؟
قلت لا
لو مش مرتبط بتفكر فيه؟؟؟؟؟؟
ملكش دعوه:hahah:
تعرف واحد كان بيرد على المواضيع اسمه heart of love????
لالالالالالالالالالالا

- صورتك الشخصية ؟؟

- فصيلة دمك ؟؟

- عنوانك ؟؟

- أزاى بقيت زملكاوى ؟؟

- فى رأيك أية الحل علشان الزمالك يرجع ؟؟

- بصراحة .. رأيك فى الى بيقوله زمالك تى فى على الأهلى فى مقالاته الأخيرة ؟؟

- رأيك فى the falcon2 و بالتفصيل الممل لو سمحت :lkl:

- بصراحة .. هل فى مشرف فى منتدى الصقر المصرى و لا يستحق الأشراف ؟؟

- أحساسك أية لما قعدت على الكرسى ؟؟

- اوصف نفسك فى 3 كلمات ؟؟

- أنت عصبى و بتتنرفز بسرعة ؟؟

- أنت عنيد ؟؟

- برفانك ؟؟

- فريقك المفضل عالمياً ؟؟

- أكتر حاجة بتفرحك و أكتر حاجة بتضيقك ؟؟

- الكاتب المفضل و الى أنت تقراله دايماً ؟؟

كفاية عليك كدة دلوقتى

و طبعاً كل الى فوق دة أجبارى مفيش أختيارى

the falcon2 كتب:: - صورتك الشخصية ؟؟
مش مدخل على الكمبيوتر صورة لي
- فصيلة دمك ؟؟
A
- عنوانك ؟؟
في قطر
- أزاى بقيت زملكاوى ؟؟

معرفش انا لقيت نفسي بشجع الزمالك مع ان كل العيلة اهلاوية

- فى رأيك أية الحل علشان الزمالك يرجع ؟؟

تسريح جميع اللاعبين الحاليين ماعدا شيكا واجوجو وعبدالواحد السيد وفتح الله وايمن

- بصراحة .. رأيك فى الى بيقوله زمالك تى فى على الأهلى فى مقالاته الأخيرة ؟؟
انا الحقيقة مش متابع للموقع ده

- رأيك فى the falcon2 و بالتفصيل الممل لو سمحت :lkl:
مراقب جميل حتي قبل ما يكون مراقب عضو رائع ومواضيعه متميزه واهلاوي صميم
- بصراحة .. هل فى مشرف فى منتدى الصقر المصرى و لا يستحق الأشراف ؟؟
اكيد لا

- أحساسك أية لما قعدت على الكرسى ؟؟
احساس المجرم اللي قاعد امام وكيل النيابة وبيوجهله الاسئلة
- اوصف نفسك فى 3 كلمات ؟؟
عصبي طيب حنون

- أنت عصبى و بتتنرفز بسرعة ؟؟
اه
- أنت عنيد ؟؟
لا
- برفانك ؟؟
العود ( عطر )
- فريقك المفضل عالمياً ؟؟
ريال مدريد
- أكتر حاجة بتفرحك و أكتر حاجة بتضيقك ؟؟
اكتر حاجة بتفرحني لما بنجح وبتفوق واكتر حاجة بتضايقني لما حد يرحرجني

- الكاتب المفضل و الى أنت تقراله دايماً ؟؟
مليش حد
كفاية عليك كدة دلوقتى

و طبعاً كل الى فوق دة أجبارى مفيش أختيارى

ماشي يا عم احمد

يا prince انت ليه مجوبتش علي اسئلتي :cry2: :cry2:

مااااااااااااااااااااااااشى يا برنس كده تحرجنى وتقولى ملكش دعوة ماااااااااااشى
انت من قطر هل بتحب مصر يعنى ولا لا؟؟؟؟؟؟؟
بتحب كلااااااااااام العامى بتعه زى قشطه والحاجات دى؟؟؟؟؟ظ
ايه اكتر حاجه ما تحبها فى المصريين؟؟؟؟؟؟؟؟
ايه اكتر مشرف بتحبه؟؟؟؟؟؟؟؟؟؟؟
جوااااااااب بالله عليك بتفكر فى الارتباط عشاااااااااااااااان لو كده هسيطك؟؟؟؟؟؟؟؟؟؟

heart of love كتب:: مااااااااااااااااااااااااشى يا برنس كده تحرجنى وتقولى ملكش دعوة ماااااااااااشى
انت من قطر هل بتحب مصر يعنى ولا لا؟؟؟؟؟؟؟
انا مصري واكيد بحب مصر
بتحب كلااااااااااام العامى بتعه زى قشطه والحاجات دى؟؟؟؟؟ظ
يعني مش كله
ايه اكتر حاجه ما تحبها فى المصريين؟؟؟؟؟؟؟؟
مفيش كلهم حلوين
ايه اكتر مشرف بتحبه؟؟؟؟؟؟؟؟؟؟؟
احمد الفالكون
جوااااااااب بالله عليك بتفكر فى الارتباط عشاااااااااااااااان لو كده هسيطك؟؟؟؟؟؟؟؟؟؟

يعني ايه هسيطك

born 2 love allah كتب:: نوووووورت الكرسى والله
خد الاسئلة دى وجاااااااوب بصراااااااااااحة
الجــــــــــــزء الاوووووووووول
صف نفسك في
كلمات ؟
عصبي حنون طيب
ماهو هدفك في
الحياة؟
اني اكون رجل صالح لوطني واهلي
ماهي رؤيتك للحياة ؟
business is business
ماهي الفروق بين نظرة مجتمعنا العربي و الغربي
للمعاق ؟
مفيش فرق
مالذي يشعرك بأكثر
قدر من الحرج ؟
اني ابكي
شخص لا تنسى فضله عليك؟؟
بابا وماما
اول شخص تعرفت عليه في
المنتدى ؟
مصرية
من هو اعز الاصدقاء عندك فى
المنتدى
؟
كلهم اصدقائي
عرفت المنتدى ازاى؟
صدفة
كم بلد رأيت
حتى الان من غير بلدك
؟
بلد
وجهه هذه الكلمات للعضو المناسب

الله يسامحك :
مفيش

ربنا يوفقك :
يويو

تستحق التقدير :
احمد الفالكون
لسه فاكرني :
مفيش
وجودك يسعدني :
كل الاعضاء
صافي يا لبن :معقول: :
مفيش
.من أقرب الناس إلى قلبك بعد أمك وأبيك طبعاااا؟
اختي
ما هى الحكمة التى تتخدها شعارا لك فى الحياة...؟
ما اللون المفضل عندك..؟
البرتقالي
لو عندك مناسبة سعيده جدااااااا ومعك بطاقة واحدة فقط لمن ترسلهاااااااا..؟
:nocomment:
-اعتذار تريد ان تقدمه لمن؟
لكل من اسأت لهم
ما ردة فعلك عندما يقول لك حبيبك : أحبك نعم أتزوجك لا ؟
:ffr:
ماذا ستكتب لنا لتعبر عن حياتك التي عشتها الى الان في كلمات قليله ؟
مش عارف اكتب اقول ايه لاني للاسف مبحبش اكتب كتير
اذا اردت ان تبكي الان , فعلى من تبكي؟
انا لا احب البكاء
من ستختار ليمسح دموعك ؟
بابا وماما
من يسكن قلبك؟
فيتو
ما مواصفات حبيبتك(بعض مميزاته وعيوبه)؟
فيتو
لماذا احببتها؟
:nocomment:
لو طلب منك يوما ان تأتى لها بهدية فما هى الهدية؟

:nocomment:
-لو هتعمل فرحك يا ترى هتعمله اسلامى ولا اغانى من اللى هى حراااااااااام؟
اغاني
-ماشعورك حين لاتسمع صوتها؟
:cry2:
-بتحس ان حبيبتك نسيتك فى يوم؟امتى حسيت انها نسيتك؟
فيتو
*(اكتب له رسالة) دة امر مش سؤال
مش عارف اكتب ايه
-هل هزمك حزنك في يوما من الايام؟
لالالالالالالالالالالالا

-((مستحيل انساك)) لمن تقولها ؟
مش عارف
اغمض عينيك دقيقه لو سمحت, ماذا خطر على بالك وانت مغمض العينين ؟
اشياء كثيرة
-اذا تم تعيينك ملكا لجميع البلاد العربيه فما اول قرار ستتخذه ؟
توحيد الجيوش العربية
-هل تكره شخص بشده في حياتك ؟
لالالالالالا
ماهو اجمل اسم لولد واجمل اسم لبنت من وجهة نظرك؟
محمد وامينة
ماذا تفعل اول شيء اذا ربحت ملايينا او مليونا عشان مانكون طماعين؟
مش عارف
ايه اجمل حاجة فى حياتك ؟؟
حاجات كتير قوي
ايه اكتر بلد بتحبها .. و اكتر بلد بتكرها ؟؟
اكتر بلد هولندا واكتر بلد اكرها اسرائيل
لو مفيش بلد تسافرها غير فرنسا و المانيا و انجلترا .. هتسافر فين ؟؟
اليابان
و ليه هتسافر البلد ده ؟؟ و ليه مش هتسافر البلدين التانيين ؟؟
علشان اشوف التقدم الصناعي

نفسك فى ايه ؟؟
حاجات كتير
ايه اصعب لحظة عدت عليك ؟؟

مش فاكر
ايه اجمل لحظات حياتك ؟؟

نجاحي

ما هو اكتر عضو فى المنتدى بتحبه ؟؟

كلهم

و ماذا تقولى له .. فى 3 كلمات ؟؟

مش عارف

الشئ الذى لا تريد حدوثه ؟؟
الرسوب
شايف نفسك فين وازاي بعد 30 سنة من دلوقتي؟ومع مين؟
فيتو
ايه الموهبة الي كان نفسك تبقى عندك؟
الرسم
ايه اخر sms وصلك ؟؟من مين؟؟ وبيقول ايه؟؟
انهارده ومن احد اقاربي وبيطمن علي
مين أكتر واحد في عيلتك بتحب تتكلم معاه ؟؟
كلهم
ايه اكتر موقف حسيت انك ندمان عشان عملتة ؟
مفيش
ايه هي طموحاتك؟ ايه هدفك فى الحياه؟؟؟
كتيييييييييييير
ايه اكتر موقف بتتمنى انو ميتكررش تانى فحياتك؟
مفيش
ماذا تقولى عن ....

الصدق : اجمل صفة
الخيانه : اقبح صفة
الكذب : صفة المنافق
الغرور : اقبح شئ
الغيره :ضرورية
الصداقه : مهمة
المسئوليه :كبيرة
واخيرا الحــــــــــــــــــــب :
هههههههههههههه ضروري
كل واحد وهو صغير كان بيحلم يبقى حاجة وهو كبير كنت بتحلم تبقي اية وانت صغير؟
وانا كبير اني ابقى وكيل نيابة وانا صغير لاعب كرة قدم
وهل اتحققت ؟
يا مسهل
بتقبل النقد ولا لاه؟
اه
اية نقطة التحول الي في حياتك ؟
مفيش
ما هو البرنامج اليومي لكى على مدار الاسبوع .؟
مفيش
بتحكمى على الناس ازاى.؟؟وبعد اد ايه؟؟؟
بصفاتهم وعلى طول
العمر لا يقاس بالثوانى والدقائق والأيام والشهور والسنين .
بماذا تقيس عمرك؟
بالاعمال

أنا أفكر إذن أنا موجود .
ما مدى صحة هذه العبارة فى رأيك ؟
صحيحة
انا مسلم اذا انا موجود
برده صحيحة
ما صحة هذه العبارة فى رايك؟
ما معنى الحريه فى نظرك؟؟؟
ان كل شخص يعرف ما له من حقوق وما عليه من واجبات
ايه اكتر حكمه بتعجبك؟؟؟؟
مش فاكر
ايه الحكمه اللى انتى مش مقتنعة بيها؟؟؟
مفيش
عايز ايه من الدنيا؟؟؟
كل حاجة
عايز ايه من الناس؟؟؟
الاحترام
عايز ايه من اهلك؟؟؟
الاحترام
شايف ايه نقصك وعايز تكمله؟؟
مفيش

Part 2

عضو عبقري وخدوم

- عرفت المنتدى منين

- حاجة واحدة استفدتها من المنتدى

- نفسك مصر تبقى زي أنهي بلد

- رجل تفخر انه عربي

- امرأة تفتخر انها عربية

- مين من الناس تتمنى تقابله ( ميت أو حي أو مشهور أو لا )

- تتخيل ربنا راضي عنك ولا لأ؟

- بتحب مدرستك ولا لأ

- ولو لأ كان نفسك تدخل ايه

- مين من الكتاب قرأتله باهتمام ( غير والت ديزني )

- لو في ايدك قنبلة مولوتوف..تفجرها في مين

- تكره خصلة ايه في الناس

- ايه رأيك في عبارة ( خير من يمثلكم ) في مصر؟ ... ( يعني واجهة مصر هيا الفنانة الراقصة كذا ولا الممثل الدون جوان كيت )

_ إمتى لون حياتك بيبقى بمبى ؟

_ متى تبكى .... ؟

- ايه رأيك في المستشفى 57357..ورأيك تستمر ازاي..تبرعات برضه؟

- لو لم أكن مصريا لوددت أن أكون ..................

2- لو لم يكن إسمك ..... لوددت أن يكون ............

3- أكتر اسم بتحبه فى الولاد ........................

4- أكتر منتدى بتزوره غير منتدى احمد حسن..................

5- أحسن رئيس حكم مصر (محمد نجيب-جمال عبد الناصر-أنور السادات-.....) الرقابة

6- عند ظهور نتيجتك .................... (بتعمل إيه طبعا)

7- اشرح بالتفصيل الممل يوم فى الأجازة - يوم فى الدراسة

8- بتحب تأكل من برة و إيه أكتر المطاعم اللى بتحبها و ساندوتشك المفضل

9- أكتر داعية إسلامى حديث بتسمعله .......

10- أكتر صحفى تقراله .......

11- أكتر جرنان بتحبه ........

12- أكتر قناه بتحبها .........

yoyo كتب:: Part 2

عضو عبقري وخدوم
احمد الفاكون وانتي ومصرية
- عرفت المنتدى منين
بالصدفة
- حاجة واحدة استفدتها من المنتدى
التعارف على اشخاص جدد
- نفسك مصر تبقى زي أنهي بلد
مثلا تبقى زي الصين في صناعاتها تبقى زي انجلترا في تعلمها تبقى زي دول شبه الجزيرة العربية في غناهم
- رجل تفخر انه عربي
اكيد الرسول
- امرأة تفتخر انها عربية
مفيش
- مين من الناس تتمنى تقابله ( ميت أو حي أو مشهور أو لا )

لو مشهور بس ميت انور السادات
- تتخيل ربنا راضي عنك ولا لأ؟
والله مش عارف
- بتحب مدرستك ولا لأ
اه بحبها
- ولو لأ كان نفسك تدخل ايه
لا بحبها
- مين من الكتاب قرأتله باهتمام ( غير والت ديزني )
الحقيقة مفيش
- لو في ايدك قنبلة مولوتوف..تفجرها في مين
في الاعداء
- تكره خصلة ايه في الناس
الكدب والنفاق
- ايه رأيك في عبارة ( خير من يمثلكم ) في مصر؟ ... ( يعني واجهة مصر هيا الفنانة الراقصة كذا ولا الممثل الدون جوان كيت )
ههههههه عبارة تدل على التخلف السياسي اللي عند الشعب
_ إمتى لون حياتك بيبقى بمبى ؟
مش فاهم
_ متى تبكى .... ؟
عند الغلط الشديد
- ايه رأيك في المستشفى 57357..ورأيك تستمر ازاي..تبرعات برضه؟
مستشفى رائعة وتستمر المفروض بأن الحكومة هي اللي تصرف عليها يعني الحكومة بيجلها مليارات من الضرائب والاتصالات والتصديرات وبالاخص قناة السويس
- لو لم أكن مصريا لوددت أن أكون ..................
مصريا
2- لو لم يكن إسمك ..... لوددت أن يكون ............
بلال لوددت ان يكون محمد
3- أكتر اسم بتحبه فى الولاد ........................
محمد
4- أكتر منتدى بتزوره غير منتدى احمد حسن..................
مفيش لأن الحقيقة انا مبزورش اي منتديات لان وقت فراغي لاما بالعب بلاي ستيشن لاما كاراتيه
5- أحسن رئيس حكم مصر (محمد نجيب-جمال عبد الناصر-أنور السادات-.....) الرقابة
السادات
6- عند ظهور نتيجتك .................... (بتعمل إيه طبعا)
طبعا قبل ما بعرفها ببقى ميت من الخوف واول ما اعرفها لو حلوة ببقى فرحان
7- اشرح بالتفصيل الممل يوم فى الأجازة - يوم فى الدراسة
يوم الاجازة : بصحى من النوم الساعة 10 بفطر بقعد على المنتدى بعدين بتغدى وبعدين بالعب بلاي ستيشن وبعدين اروح الكاراتيه ( ده يوم الاحد والثلاثاء والخميس ) وبعدين اقعد اتفرج على التلفزيون وبعد كده بتعشى وبتفرج برضه على التلفزيون وبعدينن بنام مش اقل من الساعة 12 بالليل
يوم الدراسة : بصحى في رمضان الساعة 7 الصبح وبعدين بخلص المدرسة الساعة 12 ونص بس مش مهم في رمضان خلينا في الايام العادية بصحى الساعة 6 صباحا بخلص المدرسة الساعة 1 ظهرا برجع البيت اتغدى وبعدين اقعد اذاكر لو خلصت مذاكرة بدري يعني الساعة 5 او 6 ممكن افتح المنتدى او اتفرج على التلفزيون طبعا البلاي ستيشن ممنوع الا الخميس والجمعة:ffr: وبعدين بتغدى وبنام الساعة 9 ونصف مساء
8- بتحب تأكل من برة و إيه أكتر المطاعم اللى بتحبها و ساندوتشك المفضل
مش قوى في مطاعم طبعا علشان انا بره مصر في مطعم تركيا المركزي ده طبعا مش اكل تركي ده اسمه كده بس في مرمرة اسطنبول وطبعا كنتاكي وبرجر كنج وماكدونز
9- أكتر داعية إسلامى حديث بتسمعله .......
عمرو خالد
10- أكتر صحفى تقراله .......
عمي
11- أكتر جرنان بتحبه ........
الاهرام
12- أكتر قناه بتحبها .........
الحياة

- عضو تعطيه لقب فاشل بجدارة و ماتقوليش محدش أو مفيش ؟؟

-توقعاتك لنهائى دورى أبطال أفريقيا و الى هاياخد البطولة ؟

- توقعاتك لبطولة الدورى السنادى و مين هاياخدها و هاتبقى أفضل من السنة الماضية و لا برضة هاتتحسم بدرى بدرى ؟

- رأيك فى اللاعيبة الآتية

شيكابالا

عمرو زكى

عبد المنصف

بركات

أحمد حسام ميدو

عبد الواحد السيد

أحمد حسن الكبير

- توقعاتك لمنتخب مصر فى تصفيات كاس العالم ؟؟

رأيك فى الاعضاء التالية

يويو

أميرة الأحزان

أحمد بسيونى

مصرية

حمادة الاهلاوى :heha:

بسنت

سارة 17 الأهلاوية

محمود مدير الموقع

محمود @ حسن

كفاية عليك كدة

الحاجات دي بتفكرك بايه او بتعتبرها ايه

1-البحر
2-النيل
3-ورده
4-السما
5-السحاب
6-القمر
7- الشمس
8-النجوم
9-الجبال
10-الكباري
11-الموسيقي
12-الشعر
12-المدرسه
13-الجامعه
14-النت
15-مصر
16- الزنزانه
17-اهلك
18- اصدقاءك

اخر سؤال .. اختار حد أثر عليك تأثير سواء سلبى او ايجابى بس الافضل ايجابى واتكلم عنو والدك والدتك صاحبك صاحبتك اخوك اختك مدرسك مدرستك اى حد

» تيشيرتات لاحلي شباب
» مصطلحات شباب الجيل
» يلا يا شباب هويدا زين على الكرسى <<< هجوووووووم >>>
» شوية اكسسوارت لاحلى شباب روش
» احلى تيشيرتات لاحلى شباب