يلا يا شباب شيماء علي الكرسي عايزاكم تظبطوها ^__^

عنوان التوبيك الجديد دة اكيد فيه ناس سمعت الاسم دة قبل كدة عشان موجود فى منتديات كتير تانية

الفكرة حلوة اوى وعجبانى فأنا قلت نعملها هنا

التفاصيل بقى

اولا :: التوبيك فكرته ان احنا هنختار واحد كل اسبوع او ممكن شهر مثلا مش مشكلة نبقى نشوف الموضوع دة وبعدين هنحطه على الكرسى دة وكل واحد فى المنتدى هيسأله اي سؤال ييجى فى باله سواء شخصى او اى حاجة ولازم يجاوب عليها عشان كدة و اللى هيطحط على الكرسى دة هيتبهدل

ثانيا :: الى هنختاره دة بناء على الاغلبية يعنى كل واحد يقول انا عايز فلان على الكرسى وبعدين بقى نشوف مين اكتر واحد عليه الطلب واللي يقعد على الكرسي وهوا ماشي يختار واحد يقعد مكانو

ولو فيه اي استفسار استفسر براحتك

هنبدا بـ ayoya

القوانين:-
1-لا يسمح لاي عضو عند اختياره للجلوس على الكرسي أن يمتنع
2-مدة الجلوس على الكرسي اسبوع كامل وبعدها يختار الجاس عضوا اخر ليجبس مكانه
3-يحق للعضو ان يسال العضو الجالس على الكرسي أي عدد من الأسئلة بشرط أن تكون في رد وحد
4-يحق للعضو الجالس على الكرسي أن يمتنع عن الاجابة في سؤالين فقط
5- يحق للعضو الجالس على الكرسي ان يمتنع عن الاجابة في الاسئلة المكررة

عدنا والعود احمد Very Happy

احمد مين؟؟؟ :smoke:

اللعبه هتتعاد من اول وجديد واللى قعد هيقعد تانى

هى بصراحة فكرة جميلة جدا
وربنا يكون فى عون اللى هيجى عليه الدور

لعبه حلوة اوى

وانا شايف انه اسبوع كفايه
بس مين الاول؟
آيه خلاص؟
عشان نجهز الاسئله

ايوه انا جهز الاسأله بس براحه عليا

أنا عندى كذا سؤال

1-لما بيعاكسك شاب بتعملى ايه؟
2-هل أنتى فاشله فى الدراسه ولا متفوقه؟
3-هل أنتى حلوة اوى ولا....؟
ملحوظه:أنا مش باعاكس
جاوبى على دول لحد ماأجهز غيرهم

بصى حسألك شوية اسئلة حلوين وصغننين
استلمى يا هانم

ولع يابني ولع محدش واخد منها حاجة
1-اسمك؟
2-عمرك؟
3-لون عيونك؟
4-لون بشرتك؟
5-اكتر مغني بتحبو؟
6-اكتر مغنية بتحبها؟
7-اكتر فيلم اتأثرت فيه لما اتفرجت عليه؟
8-افضل ممثل؟
9-افضل ممثلة
10-بتكره حد؟
11-رقم موبايلك (فودافون/موبينيل/اتصالات)؟
12-نوع موبايلك
13-بتحب ولا لأ؟
14-مين اكتر عضو بتحبو؟
15-مين اكتر عضوة بتحبها؟
16-افضل مشرف؟
17-افضل مشرفة؟
18-ايه اسم اكتر صاحب بتحبو؟
19-افضل توقيع عجبك في المنتدى؟
20-اكتر نوع سيارة بتحبو؟

اكمل الفراغات الاتيه ؟
- (( . . . )) عضو توقيعه جميل .
2- (( . . . )) عضو نشيط بصراحة .
3- (( . . . )) عضو مفقود .
4- (( . . . )) عضو دمه خفيف .
5- (( . . . )) عضو واثق من نفسه .
6- (( . . . )) عضو داخل مزاجك .
7- (( . . . )) عضو تتمنى تقابليه به .
8- (( . . . )) عضو تحسي أنه مثقف .
9- (( . . . )) عضو عايزه تعرفي معنى اسمه .
10- (( . . . )) عضو عايز تغيري ااسمه .
11- (( . . . )) عضو تحسي انه كبير في السن .
12- (( . . . )) عضو تحسيه يفهمك .
13- (( . . . )) عضو عايزه تقولي ليه ( صح لسانك ) .
14- (( . . . )) عضو يناسبه لقب ( الطموح ) .
15 ـ (( . . . )) عضو تحس ان خفاش دايما يرد بسرررعه ......
16 ـ (( . . . )) عضو عاجبك اسمه .
17 ـ (( . . . )) عضو يستحق الإشراف .
18- (( . . . )) عضو عايزه نخرجي معاه
19 - (( . . . )) عضو يستاهل الأحترام والتقدير
20 -(( . . . )) عضو تحسي انه وسيم
21 -((....)) عضو تعطية درجة امتياز بجدارة
22-((.....)) عضو تحب تتناقش معاه دائما
23_((....)) عضو تهديه وردة جميلة

1-لما بيعاكسك شاب بتعملى ايه؟

بما انى معنديش اخوات ولاد مينفعش انادى على حد يربيهولى بس بمشى من سكه تانيه وطبعا ولا ببصله هو انا ناقصه بلاوى

2-هل أنتى فاشله فى الدراسه ولا متفوقه؟

انا مش هقولك انى مقطعه الكتب بس انا فى لسنين الى مش مهم فيها تفوق وكفايه نجاح بذاكر قليل انما فى المهم زى السنادى طبعا لازم اذاكر كويس جدا لان ده ترتيب مستقبل [/size]
3-هل أنتى حلوة اوى ولا....

مينفعش حد يقول على نهفسه حلو او وحش

ملحوظه:أنا مش باعاكس تعاكس مين ده انا اد عيالك

1-اسمك؟ ايه
2-عمرك؟15 سنه
3-لون عيونك؟عسلى
4-لون بشرتك؟خمرى
5-اكتر مغني بتحبو؟عمرو دياب واحمد فهمى
6-اكتر مغنية بتحبها؟مش حد معين بس ممكن نقول نانسى عجرم
7-اكتر فيلم اتأثرت فيه لما اتفرجت عليه؟awalk2rmember
8-افضل ممثل؟مصطفى شعبان
9-افضل ممثلة؟غاده عادل
10-بتكره حد؟للاسف اه
11-رقم موبايلك (فودافون/موبينيل/اتصالات)؟اتصالات وفودافون اصى بيزنيس ومان
12-نوع موبايلك نوكيا
13-بتحب ولا لأ؟لا
14-مين اكتر عضو بتحبو؟محمود
15-مين اكتر عضوة بتحبها؟ميسون
16-افضل مشرف؟مفيش عندنا مشرفين اصلا
17-افضل مشرفة؟ميسون
18-ايه اسم اكتر صاحب بتحبو؟هنادى والى هيتريق عالاسم هموته
19-افضل توقيع عجبك في المنتدى؟بصراحه مبركزش فى التوقيعات
20-اكتر نوع سيارة بتحبو؟البى ام

اكمل الفراغات الاتيه ؟
- (( . مش عارف. . )) عضو توقيعه جميل .
2- (( .محمد حمدى حسن . . )) عضو نشيط بصراحة .
3- (( . منه عاشقة متعب وادم. . )) عضو مفقود .
4- (( .اغلب المنتدى دمه زى العسل . . )) عضو دمه خفيف .
5- (( .مريم . . )) عضو واثق من نفسه .
6- (( . شيرى. . )) عضو داخل مزاجك .
7- (( . .ميسون . )) عضو تتمنى تقابليه به .
8- (( .محمد حمدى حسن . . )) عضو تحسي أنه مثقف .
9- (( . ميس مى عايزه اعرف اشمعنى الاسم ده اختارته. . )) عضو عايزه تعرفي معنى اسمه .
10- (( . ايه متعب . . )) عضو عايز تغيري ااسمه .
11- (( .مش عارف . . )) عضو تحسي انه كبير في السن .
12- (( . ميسون. . )) عضو تحسيه يفهمك .
13- (( . يعنى ايه؟. . )) عضو عايزه تقولي ليه ( صح لسانك ) .
14- (( .اكيد مش انا . . )) عضو يناسبه لقب ( الطموح ) .
15 ـ (( . ميس مى. . )) عضو تحس ان خفاش دايما يرد بسرررعه ......
16 ـ (( . مش عارف. . )) عضو عاجبك اسمه .
17 ـ (( . .yoyo . )) عضو يستحق الإشراف .
18- (( . .شيرى . )) عضو عايزه نخرجي معاه
19 - (( . .محمد حمدى حسن . )) عضو يستاهل الأحترام والتقدير
20 -(( . .مش عارف برضو . )) عضو تحسي انه وسيم
21 -((.مش عايزه اظلم حد...)) عضو تعطية درجة امتياز بجدارة
22-((..شيرى وميسون ومحمود...)) عضو تحب تتناقش معاه دائما
23_((..ضى القمر..)) عضو تهديه وردة جميلة

يلا الى بعده

17 ـ (( . .yoyo . )) عضو يستحق الإشراف .

merci beacoup

الدفعة الثانية..............

1- امتى بتحسى انك ضعيفة قوى ؟

2- اية الحاجة الى تخليكى تدمعى غصب عنك؟

3-اية الحلم الى نفسك تحققية؟

4- هل الحب فى نظرك كامل ولا اصلا مبتؤمنيش بية؟

5-لو حسيتى انك مضايقة بتعملى اية او بتكلمى مين؟

6-لو انتى رئيسة الجمهورية كنتى غيرتى اية فى مصر او فى العالم العربى؟

7- اية الخبر الى سمعتية وضايقك قوى( اختيارى السؤال دة ليكى الحق انك متجوبيش لو مش عايزة)

8-اية اكتر حاجة بتفرحك ولما بتكونى منغيرها بتبقى عايزاها؟

بتحسي مع مين بالامان؟

تقولي لمين عفوا لا احبك؟(وحددي اسم)

حياتك اوصفهلنا في كلمة واحدة؟

بتحبي الحيوانات.؟؟وايه هو الحيوان اللي بتحبيه؟؟

ليكي في المطبخ ولا لألأ؟

تعمل اية لو عرفتى ان الولد اللى انتى بتحبيه بيحب واحده تانى؟

- تعمل اية ازا كان صاحبتك؟؟؟

- تعملى اية لو عرفتى ان صاحبتك بتحب حبيبك؟؟؟؟

- تعملى اية لو حبيبك كدب عليكى؟؟؟

- اكتر موقف محرج اتعمل فيكى؟؟؟

- اخر مرة اتخدعتى فى حد ؟؟؟

- اقرب الناس ليكى فى المنتدى؟؟؟

- اكتر واحد بتتشائمى منه؟؟؟

- اكتر واحد بتتفائلى بية؟؟

- لو قالولك اختارى احسن 5 اعضاء تختار مين؟؟؟

- اكتر حاجة بتحبيها فى السايت؟؟

- اكتر حاجة مش بتحبيها فى السايت؟؟؟

- مين اللى كان نفسك تتعرفى علية ولما اتعرفتى علية اتمنيتى انك معرفتوش؟؟؟

- مين اللى لما بتكونى تعبانه نفسيا بتحكيله و تفضفضيله؟؟؟

اكتر مكان بتحبيه و بترتاحى فيه؟؟

- امتى تعرفى ان الناس بتحبك؟

امتى بتعرفى ان الناس بتكرهك؟؟؟

هواياتك اية؟؟؟

نفسك تدخل كلية اية؟؟؟

كفااااااااااااااااايه عليكي كده فاصل ونواصل

اى خدعه :lol!:

يا مصبرنى

1- امتى بتحسى انك ضعيفة قوى ؟
لما بزعل ماما

2- اية الحاجة الى تخليكى تدمعى غصب عنك؟
انى اشوف عين امى بتدمع

3-اية الحلم الى نفسك تحققية؟
فى مرض معين كنت شفت واحد مريض بيه ونفسى الاقيله دوا

4- هل الحب فى نظرك كامل ولا اصلا مبتؤمنيش بية؟
مفيش حاجه كامله فى الدنيا دى بس طبعا فى حب

5-لو حسيتى انك مضايقة بتعملى اية او بتكلمى مين؟
بتكلم مع حد من اصحابى الى اكبر منى

6-لو انتى رئيسة الجمهورية كنتى غيرتى اية فى مصر او فى العالم العربى؟
كنت قتلت نفسى

7- اية الخبر الى سمعتية وضايقك قوى( اختيارى السؤال دة ليكى الحق انك متجوبيش لو مش عايزة)
خبر موت جدتى الله يرحمها

8-اية اكتر حاجة بتفرحك ولما بتكونى منغيرها بتبقى عايزاها؟
منغير تريقه القط بتاعى

بتحسي مع مين بالامان؟
مع امى واختى وانتيمتى

تقولي لمين عفوا لا احبك؟(وحددي اسم)مقدرش اجاوب عالسؤال ده

حياتك اوصفهلنا في كلمة واحدة؟ تنفع مسلسل

بتحبي الحيوانات.؟؟وايه هو الحيوان اللي بتحبيه؟؟
بحب القطط وعندى قط

ليكي في المطبخ ولا لألأ؟ ليا فيه

تعمل اية لو عرفتى ان الولد اللى انتى بتحبيه بيحب واحده تانى؟
هبعد عنه

- تعمل اية ازا كان صاحبتك؟؟؟
هبعد عنهم هم الاتنين واتمنالهم التوفيق

- تعملى اية لو عرفتى ان صاحبتك بتحب حبيبك؟؟؟؟
معرفش

- تعملى اية لو حبيبك كدب عليكى؟؟؟
ممكن اسامحه

- اكتر موقف محرج اتعمل فيكى؟؟؟
كنت مره بتعاكس واخو صاحبتى معدى من قدامى فمش فاهم انى بتعاكس فقالى ازيك يا ايويه فالى بيعاكسنى قالى وكمان ايويه

- اخر مرة اتخدعتى فى حد ؟؟؟
شهر 8 الى فات

- اقرب الناس ليكى فى المنتدى؟؟؟
محمود ومحمود وميسون وشيرى وادم وساره

- اكتر واحد بتتشائمى منه؟؟؟
لا اؤمن بالتفاؤل والتشائم

- اكتر واحد بتتفائلى بية؟؟
لا اؤمن بالتفاؤل والتشائم

- لو قالولك اختارى احسن 5 اعضاء تختار مين؟؟؟
محمود ومحمود وادم وميسون وشيرى

- اكتر حاجة بتحبيها فى السايت؟؟
الاعضاء

- اكتر حاجة مش بتحبيها فى السايت؟؟؟
بحسه محتاج ترتيب اوى بس ده غلط منى وان شاء الله هظبطه فى الاجازه

- مين اللى كان نفسك تتعرفى علية ولما اتعرفتى علية اتمنيتى انك معرفتوش؟؟؟
نفس الشخص الى مرضتش اقول اسمه

- مين اللى لما بتكونى تعبانه نفسيا بتحكيله و تفضفضيله؟؟؟
محدش

اكتر مكان بتحبيه و بترتاحى فيه؟؟
الاوضه بتاعتى

- امتى تعرفى ان الناس بتحبك؟
لما بحس انهم مش بيجاملونى

امتى بتعرفى ان الناس بتكرهك؟؟؟
لما بيجاملونى

هواياتك اية؟؟؟
النت وتكوين صداقات والرغى فى التليفون وتربية القطط وسماع عمرو دياب

نفسك تدخل كلية اية؟؟؟
صيدله

(محمد حمدى حسن) عضو نشيط بصراحه

(محمد حمدى حسن) عضو تحسى أنه مثقف
(محمد حمدى حسن) عضو يستاهل الاحترام والتقدير

بصراحه مش لاقى كلمه أقولها ليكى غير
ميرسى كتيير وكلك ذوق

وبعدين ايه السرعه دى

بس yoyo مظبطك على الاخر
لكن فى سؤال مهم جدا نسى يسأله

قطتك ذكر أم مؤنث ؟
وأسمه أو أسمها ايه؟ :scratch: :scratch: :scratch:

1- طولك اد ايه
2- ايه اكتر بلد نفسك تسافريلها
2- ايه اكلتك المفضله
3- ايه مشروبك المفضل
4- ايه اكتر نوع فاكهه بتحبيها
5- ايه اكتر نوع خضار بتحبيه
6- ايه المطعم اللى بتحبى تاكلى فيه اكتر حاجه(مؤمن،وصايه.......كده بعنى)
7- ايه اكتر مكان بتحيه
8- لو تقدرى يبقى عندك قوه خارقه (زى سوبر مان كده) تختارى تبقى ايه
9- ايه اكتر حاجه بتفتخرى / تعتزى بيها
10- بتلبسى مقاس كام فى الاحذيه
11- ايه اكتر فصل من فصول السنه بتحبيه
12- ايه اكتر فيلم كارتون بتحبيه
13- مين اكتر ممثل اجنبى بتحيه
14- مين اكتر ممثله اجنبيه بتحبها
15- بتتابعى مسسلسلات اجنبى ولوكان ايه هى المسلسلات
16- ايه اكتر اغنيه بتحبيها
17- ايه الكتاب اللى شدك اوى
18- ايه اكتر تصرف ممكن يضايقك من حد من اصحابك غالى عليكى اوى
19- امتى ممكن تقاطعى واحده من اصحابك وتقولليها مش عايزه اعرفك تانى
20- بتعملى ايه لما تحسى انك مضغوطه نفسيا ومتضايقه من جواكى ومش عارفه انت متضايقه من ايه
21- ايه الحلم اللى كان نفسك تحققيه وبعد كده حسيتى انه صعب عليك تحققيه
22- بتعملى ايه لو حد احرجك جامد اوى فى وسط الناس
23- لو قالولك فاضلك شهر واحد وهتموتى (بعد الشر يعنى )ايه الحاجات اللى هتعمليها
24- اوصفى نفسك فى 3 كلمات

ايه الاجوبة الدبلوماسية دى

تعاليلى يا امى من خلال الشاشه

الــــدفــــعـــة الثــــالثــــة

عدد مشاركاتك في المنتدى :..........

- عضو عبقري وخدوم

- عرفتي المنتدى منين

- حاجة واحدة استفدتيها من المنتدى

- نفسك مصر تبقى زي أنهي بلد

- رجل تفخري انه عربي

- امرأة تفتخري انها عربية

- مين من الناس تتمنى تقابليه ( ميت أو حي أو مشهور أو لا )

- تتخيلي ربنا راضي عنك ولا لأ؟

- بتحبي مدرستك ولا لأ

- ولو لأ كان نفسك تخشي ايه

- مين من الكتاب قرأتيله باهتمام ( غير والت ديزني )

- لو في ايدك قنبلة مولوتوف..تفجريها في مين

- تكرهي خصلة ايه في الناس

- ايه رأيك في عبارة ( خير من يمثلكم ) في مصر؟ ... ( يعني واجهة مصر هيا الفنانة الراقصة كذا ولا الممثل الدون جوان كيت )

_ إمتى لون حياتك بيبقى بمبى ؟

_ متى تبكى آية ؟

- ايه رأيك في المستشفى 57357..ورأيك تستمر ازاي..تبرعات برضه؟

- لو لم أكن مصريا لوددت أن أكون ..................

2- لو لم يكن إسمك آية لوددت أن يكون ............

3- أكتر اسم بتحبيه فى الولاد ........................

4- أكتر منتدى بتزوريه غير منتدى احمد حسن..................

5- أحسن رئيس حكم مصر (محمد نجيب-جمال عبد الناصر-أنور السادات-.....) الرقابة

6- عند ظهور نتيجتك .................... (بتعملى إيه طبعا)

7- اشرح بالتفصيل الممل يوم فى الأجازة - يوم فى الدراسة

8- بتحبى تأكلى من برة و إيه أكتر المطاعم اللى بتحبيها و ساندوتشك المفضل

9- أكتر داعية إسلامى حديث بتسمعيله .......

10- أكتر صحفى تقريله .......

11- أكتر جرنان بتحبيه ........

12- أكتر قناه بتحبيها .........

علل بسبب واحد ...

1- يحتفظ المصريون ببرطمانات فاضية وميستعملوهاش أبدا

2- تسأل الحلاق عن الحنجهور فيخبرك عنه بصراحة..على الرغم من انك لانتا ولا هوا ولا حد يعرف ايه هوا

3- يشتري العريس الصيني بدم قلبه عشان يتحنط في الـ ( نيش )

4- يعرف الكل روبي ولا أحد يعرف د / طارق السويدان

_ متى تقول آية :

* يا خسارة

* خلاص .. مفيش فايدة

* يوووووووه .. كفاية بقى

* أنا حاسة إنى طايرة من الفرح

* إمممم .. مش عارفة بصراحة

* أكيد طبعا

* يا نهار أبيض !!!!

* هو فى كده

* هما الناس دى مش هتبطل كدب بأه

* لأ

ما رأيك فى مدينتك ؟

و كيف تريدين أن ترينها ؟

زى أنهى مدينة فى مصر ؟

بتحبيها ولا لأ ؟

و نفسك تعيشى فين فى مصر لو مدينتك مش عاجباكى ؟

ما رأيك فى المواقف التالية ؟ و ماذا تقولى فيها ؟

1- ولد و بنت قاعدين يتكلموا و بيهزروا و لوحدهم و مستكنيسين جدا (رأيك فى البنت رأيك فى الولد)

2- بنت لابسة إيشارب أو تحجيبة أو اسبانيش أو أى حاجة على راسها و لابسة كات أو بنطلون لحد الركبة

3- ولد ماسك سيجارة وواقف على ناصية و بيعاكس فى البنات

4- رأيك فى هوجة القنوات الفضائية

5- رأيك فى العلاقة بالأقارب و خاصة البعاد منهم (إبن عم بابا - بنت بنت خالك .......)

كفايه كده عليكى

فاصل ونواصل

ازيك يا ايويه يا قمر
انا مش هطول عليكى انتى عارفة اسئلتى طبعا نبدا:
1-ايه هو الضعف بانسبالك؟
2- انتى واثقة فى نفسك ولا لا؟
3-جت عليكى لحظه حسيتى فيها انك متنفعيش تبقى شخصيه قياديه
او متقدريش تتحملى مسؤليه حد غير نفسك؟
4-وحسيت بايه ساعتها وايه اللى قررتى تعمليه؟
5-انتى مقتنعة بجمله(الفرصة مش بتيجى غير مرة واحدة)؟
6-قولى فرصة جاتلك وانتى رفضيها و ندمانه عليها.
7-وفرصه تانيه جاتلك و استغلتيها.
8-من الانسان اللى لما بتكلميه او تفتكريه بتبقى مش عايزة غيره فى الدنيا؟
9-ايه الالعاب اللى بتحبيها اختارى(بلياردو_بلاىستاشين_ولا باربى والكلام ده بقى)؟
10-غيرتى رقم تليفونك كام مرة؟
11-اختارى شخص واحد من المنتدى ممكن تسيبى اسرارك معاه و تبقى واثقة فيه
ثقه عمياء.
12- عضو دمه خفيف
13-عضو تحسى انه واثق من نفسه اوى
14-ايه اكتر حاجة بتخوفك؟
15-ممكن تثقى فى حد خانك قبل كده؟
16-وهتنسى خيانته دى؟
17-عيشتى قصه حب قبل كده؟
18-ايه الفيلم اللى حبتيه لانك كنتى بتحسى ان الفيلم ده شبه قصة الحب بتاعتك
يعنى يعنى بتحسى ان بطله الفيلم دى انتى و البطل يبقى حبيبك؟
19- موقف عملتيه مع ماماتك و كنتى كرهه نفسك اوىىىىىىى لانك زعلتيها.
20-لو انتى عندك فلوس كتيرة اوىىىىىىىىى ايه اول حاجة هتعمليها؟
21-وهل الاعمال الخيريه هتكون فى حسابك؟
22-ختمتى القران كام مرة؟
23-وايه احساك لما ختمتى القران اول مرة لو ختمتيه يعنى؟
*********************************
بتحبينى قد ايه ؟ يلا يا شباب شيماء علي الكرسي عايزاكم تظبطوها ^__^ Icon_redface

ايه اكتر حاجة بتحبيها فيا؟
موقف انا عملته و زعلتى منى فيه؟
ايه اكتر حاجة مش بتحبيها فيا
بس كفايه عليكى كده لغايه ماشوف اسئله تانيه
يلا ربنا معاكى وتقدرى على كل الاسئله دى
سلالالالالالالالالالالالام يا حبى

انتوا بتنتقموا منها وللا ايه
هيا عملتللكو ايه؟؟؟؟ :[IMG]http://sm

بس بينى وبينكم تستااااهل :koo:

السلام عليكم

ازيك يا ايويه عاملة ايه والله انتى صعبانة عليا قوووووووووى قلبى معاكى yoyoشكلها بتنتقم منك انتى عملتيلها ايه
ممكن اسال
1-بطاقتك الشخصية بالكامل؟
2-عندك اخوات ولا لاه .واسمهم ايه؟
3-انتى منين؟
4-تعرفينى كويس ولا لاه؟
5بتحبى النقد؟
6-بتحبى النصيحة؟
7-بتحبى العتاب؟
8-ايه اغلى هدية جتلك ومتقدريش تفرطى فيها؟
9-عرفتى المنتدى منين؟
10-لمن تعطى هذه الالقاب:
عضو نشيط:
عضو حزين:
عضو متفاءل:
عضو رزل:
11-مين قدوتك؟
12-ايه رايك فى كل من:
محمود:
ميسون:
ضى القمر:
ايه مجدى يا رب تكون تعرفيها :
شيماء عامر:
واخيرا انا:
اسفة لو طولت عليكى يا قمر سللالالالالالالالالالام

محمد حمدى حسن كتب:: وبعدين ايه السرعه دى

بس yoyo مظبطك على الاخر
لكن فى سؤال مهم جدا نسى يسأله

قطتك ذكر أم مؤنث ؟
وأسمه أو أسمها ايه؟ :scratch: :scratch: :scratch:

ذكر واسمه ميشو ولو عايز احطلكوا صورته فى المنتدى كمان

pussycat

1- طولك اد ايه 168 سم
2- ايه اكتر بلد نفسك تسافريلها المانيا
2- ايه اكلتك المفضله الايس كريم بصوص الشيكولاته
3- ايه مشروبك المفضل المانجو
4- ايه اكتر نوع فاكهه بتحبيها البرقوق
5- ايه اكتر نوع خضار بتحبيه البطاطس
6- ايه المطعم اللى بتحبى تاكلى فيه اكتر حاجه(مؤمن،وصايه.......كده بعنى)كوك دور
7- ايه اكتر مكان بتحيه اى مكان بكون مع اصحابى فيه
8- لو تقدرى يبقى عندك قوه خارقه (زى سوبر مان كده) تختارى تبقى ايه اختار القوه الى عندى تخلص الناس من الظلم الى هما فيه
9- ايه اكتر حاجه بتفتخرى / تعتزى بيها انى مصريه
10- بتلبسى مقاس كام فى الاحذيه بلاش احراج...40
11- ايه اكتر فصل من فصول السنه بتحبيه الشتاء
12- ايه اكتر فيلم كارتون بتحبيه نيمو وليون كينج
13- مين اكتر ممثل اجنبى بتحيه براد بيت
14- مين اكتر ممثله اجنبيه بتحبها انجلينا جولى
15- بتتابعى مسسلسلات اجنبى ولوكان ايه هى المسلسلات اها بتابع charmed&scrubs
16- ايه اكتر اغنيه بتحبيها قولت ايه بتاعت عمرو دياب
17- ايه الكتاب اللى شدك اوى مبقراش كتب كتير
18- ايه اكتر تصرف ممكن يضايقك من حد من اصحابك غالى عليكى اوى انه يكدب عليا
19- امتى ممكن تقاطعى واحده من اصحابك وتقولليها مش عايزه اعرفك تانى لو حاولت توقع بينى وبين حد
20- بتعملى ايه لما تحسى انك مضغوطه نفسيا ومتضايقه من جواكى ومش عارفه انت متضايقه من ايه بكلم اصحابى زى ما كلمت ميسون امبارح
21- ايه الحلم اللى كان نفسك تحققيه وبعد كده حسيتى انه صعب عليك تحققيه حلم انى ادخل صيدله بس ربنا يسهل وان شاء الله ادخلها
22- بتعملى ايه لو حد احرجك جامد اوى فى وسط الناس بتريق على الموقف مع الناس
23- لو قالولك فاضلك شهر واحد وهتموتى (بعد الشر يعنى )ايه الحاجات اللى هتعمليها هقرب اكتر من ربنا وهطلب ان كل الى زعلتهم يسامحونى وهقول لماما متزعلش عليا لانى ربنا بيحبنى ومش عايزنى اغلط اكتر من كده

24- اوصفى نفسك فى 3 كلمات عنيده جريئه مرحه

» تيشيرتات لاحلي شباب
» مصطلحات شباب الجيل
» يلا يا شباب هويدا زين على الكرسى <<< هجوووووووم >>>
» شوية اكسسوارت لاحلى شباب روش
» احلى تيشيرتات لاحلى شباب