يلا يا شباب شيماء علي الكرسي عايزاكم تظبطوها ^__^

yoyo


عدد مشاركاتك في المنتدى :....بالرد ده هيبقى 1013......

- عضو عبقري وخدوم yoyo

- عرفتي المنتدى منين من منتدى المكوك حسن مصطفى

- حاجة واحدة استفدتيها من المنتدى واحده بس؟؟؟ اتعلمت المسؤليه

- نفسك مصر تبقى زي أنهي بلد تبقى زى مصر زمان

- رجل تفخري انه عربي د.احمد زويل

- امرأة تفتخري انها عربية صفيه زغلول

- مين من الناس تتمنى تقابليه ( ميت أو حي أو مشهور أو لا )جدتى الله يرحمها

- تتخيلي ربنا راضي عنك ولا لأ؟ مقدرش اجاوب عالسؤال ده لانى معرفش اجابته

- بتحبي مدرستك ولا لأ بحبها بس مبحبش اروحها

- ولو لأ كان نفسك تخشي ايه ياستى ما قلنا بحبها متجننينيش بقى :lol!:

- مين من الكتاب قرأتيله باهتمام ( غير والت ديزني )هههههههههه محدش

- لو في ايدك قنبلة مولوتوف..تفجريها في مين فاى ظالم

- تكرهي خصلة ايه في الناس الكدب والغرور

- ايه رأيك في عبارة ( خير من يمثلكم ) في مصر؟ ... ( يعني واجهة مصر هيا الفنانة الراقصة كذا ولا الممثل الدون جوان كيت )
انا احسن واحده تمثل مصر بهزر طبعا بس انا شايفه ان محدش يقدر يمثل المصريين

_ إمتى لون حياتك بيبقى بمبى ؟ لما بحس ان الى تعبتله جه بفايده

_ متى تبكى آية ؟ عند فراق اغلى الناس عليها

- ايه رأيك في المستشفى 57357..ورأيك تستمر ازاي..تبرعات برضه؟ جامده جدا ومنغير التبرعات المستشفى مش هتمشى

- لو لم أكن مصريا لوددت أن أكون ....مصريه..............

2- لو لم يكن إسمك آية لوددت أن يكون ....بحب اسمى جدا وهيبقى برضو ايه........

3- أكتر اسم بتحبيه فى الولاد ..........احمد..............

4- أكتر منتدى بتزوريه غير منتدى احمد حسن.......منتدى عماد متعب...........

5- أحسن رئيس حكم مصر (محمد نجيب-جمال عبد الناصر-أنور السادات-.....) الرقابة ههههههههههه جمال عبد الناصر

6- عند ظهور نتيجتك ......بخاف اجيبها وبعمل نفسى نايمه لما بينزلوا يجيبوها.............. (بتعملى إيه طبعا)

7- اشرح بالتفصيل الممل يوم فى الأجازة - يوم فى الدراسة

فى الاجازه بصحى الساعه 12 الظهربقضى اغلب الوقت عالنت وبسمع اغانى وساعات بروح سينيما ويومى بيخلص 9 الصبح

فى الدراسه بصحى الساعه 9 بذاكر لغاية ما يجى معاد الدرس بنزل وارجع ارمى الكتب واقولهم زهقت ومش هذاكر النهارده


8- بتحبى تأكلى من برة و إيه أكتر المطاعم اللى بتحبيها و ساندوتشك المفضل لا واكتر معم بحبه كوك دور وبحب ساندوتش تشيكن فراى داى

9- أكتر داعية إسلامى حديث بتسمعيله ...مصطفى حسنى....

10- أكتر صحفى تقريله ...محدش....

11- أكتر جرنان بتحبيه ...اى جريده عن الكوره.....

12- أكتر قناه بتحبيها ....mbc 4.....



علل بسبب واحد ...


1- يحتفظ المصريون ببرطمانات فاضية وميستعملوهاش أبدا اصلهم عشريين

2- تسأل الحلاق عن الحنجهور فيخبرك عنه بصراحة..على الرغم من انك لانتا ولا هوا ولا حد يعرف ايه هوا الى ميعرفش يقول عدس

3- يشتري العريس الصيني بدم قلبه عشان يتحنط في الـ ( نيش ) علشان اما يجى اصحابه يقولهم هو ده الصينى الى جبته والهانم ركناه

4- يعرف الكل روبي ولا أحد يعرف د / طارق السويدان لاننا نهتم بالهيافات


_ متى تقول آية :

* يا خسارة لما اضيع وقتى مع ناس ميستهلوش

* خلاص .. مفيش فايدة لما بتكلم ومحدش يسمعنى

* يوووووووه .. كفاية بقى لما بتعب والكل يضغط عليا

* أنا حاسة إنى طايرة من الفرح لما اوصل للى عيزاه

* إمممم .. مش عارفة بصراحة لما حد يسئلنى عن حاجه معرفهاش

* أكيد طبعا لما حد يمدحنى...ده من باب الرخامه مش اكتر واسألوا مايسون

* يا نهار أبيض !!!! لما بخرب حاجه

* هو فى كده لما بشوف حد تنك اوى او رقيق اوى

* هما الناس دى مش هتبطل كدب بأه لما حد يفشر والفشر يبقى باين اوى

* لأ لما حد يطلب منى اعمل حاجه مش عيزاها


ما رأيك فى مدينتك ؟ محتاجه تعديل

و كيف تريدين أن ترينها ؟ عيزاها تبقى نظيفه ومفيهاش شباب بايظ

زى أنهى مدينة فى مصر ؟ ههههههه ولا واحده

بتحبيها ولا لأ ؟ لازم احبها

و نفسك تعيشى فين فى مصر لو مدينتك مش عاجباكى ؟ فى مدينتى برضو

ما رأيك فى المواقف التالية ؟ و ماذا تقولى فيها ؟

1- ولد و بنت قاعدين يتكلموا و بيهزروا و لوحدهم و مستكنيسين جدا (رأيك فى البنت رأيك فى الولد)البنت مش محترمه والولد مش محترم وبيتسلى

2- بنت لابسة إيشارب أو تحجيبة أو اسبانيش أو أى حاجة على راسها و لابسة كات أو بنطلون لحد الركبة واحده متعرفش دينها

3- ولد ماسك سيجارة وواقف على ناصية و بيعاكس فى البنات ولد مش متربى

4- رأيك فى هوجة القنوات الفضائية اهو كله محاولات لقتل الملل

5- رأيك فى العلاقة بالأقارب و خاصة البعاد منهم (إبن عم بابا - بنت بنت خالك .......) حلوه جدا وانا عن نفسى بحب جدا ولاد عمة ماما




كفايه كده عليكى لا وكفايه ليه ماتكملى ده انتى طلعتى عينى

maysson17

1-ايه هو الضعف بانسبالك؟ انى اكون منغير الناس الى بحبهم
2- انتى واثقة فى نفسك ولا لا؟ واثقه فنفسى الحمدلله
3-جت عليكى لحظه حسيتى فيها انك متنفعيش تبقى شخصيه قياديه
او متقدريش تتحملى مسؤليه حد غير نفسك؟ لما سبت المنتدى فتره كبيره
4-وحسيت بايه ساعتها وايه اللى قررتى تعمليه؟ حسيت انى مليش لزمه ولازم اتشال من الادمن بس محمود مرضيش والحمدلله بقيت احسن
5-انتى مقتنعة بجمله(الفرصة مش بتيجى غير مرة واحدة)؟ لا
6-قولى فرصة جاتلك وانتى رفضيها و ندمانه عليها. مبحبش اندم على حاجه
7-وفرصه تانيه جاتلك و استغلتيها. مبعدش على نفسى والله
8-من الانسان اللى لما بتكلميه او تفتكريه بتبقى مش عايزة غيره فى الدنيا؟ جدتى الله يرحمها
9-ايه الالعاب اللى بتحبيها اختارى(بلياردو_بلاىستاشين_ولا باربى والكلام ده بقى)؟ بحب العب البخت فيكى يا ميسون
10-غيرتى رقم تليفونك كام مرة؟ 3 مرات
11-اختارى شخص واحد من المنتدى ممكن تسيبى اسرارك معاه و تبقى واثقة فيه
ثقه عمياء. محمود
12- عضو دمه خفيف انا لالالا ممكن نقول محمود
13-عضو تحسى انه واثق من نفسه اوى السؤال متكرر يا هانم
14-ايه اكتر حاجة بتخوفك؟ انى افكر فى انى يوم ممكن اكون لوحدى
15-ممكن تثقى فى حد خانك قبل كده؟ صعب اوى
16-وهتنسى خيانته دى؟ لا
17-عيشتى قصه حب قبل كده؟ وهو ده منظر واحده عاشت حتى توم وجيرى
لا18-ايه الفيلم اللى حبتيه لانك كنتى بتحسى ان الفيلم ده شبه قصة الحب بتاعتك ههههههههههههه نيمو
يعنى يعنى بتحسى ان بطله الفيلم دى انتى و البطل يبقى حبيبك؟ توم وجيرى
19- موقف عملتيه مع ماماتك و كنتى كرهه نفسك اوىىىىىىى لانك زعلتيها. انى بعند معاها
20-لو انتى عندك فلوس كتيرة اوىىىىىىىىى ايه اول حاجة هتعمليها؟ هعمل بيها كلها اعمال خيريه علشان معملش بيها حاجه ممكن تضرنى او تزعل ربنا منى
21-وهل الاعمال الخيريه هتكون فى حسابك؟ اكيد
22-ختمتى القران كام مرة؟ 4 مرات للاسف
23-وايه احساك لما ختمتى القران اول مرة لو ختمتيه يعنى؟ كنت عايزه اختمه تانى
*********************************
بتحبينى قد ايه ؟ بحبك كتيييييييييييييييييييييييييييير انتى عارفه والله معزتك عندى
ايه اكتر حاجة بتحبيها فيا؟ انك مجنونه
موقف انا عملته و زعلتى منى فيه؟ ولاعمرى زعلت منك
ايه اكتر حاجة مش بتحبيها فيا ولا حاجه

MaHmOuD كتب:

انتوا بتنتقموا منها وللا ايه
هيا عملتللكو ايه؟؟؟؟ :[IMG]http://sm




بس بينى وبينكم تستااااهل :koo:

متدخلش بينى وبينهم اخواتى يعملوا الى هما عايزينه :geek:

وفين اسألتك يا باشا

اسمى ايه محمد عبد النعم
مواليد 28-8-1992
برج العذراء
من القاهره

2-عندك اخوات ولا لاه .واسمهم ايه؟
عندى 2 ساره وندى
3-انتى منين؟
من القاهره
4-تعرفينى كويس ولا لاه؟
معرفش
5بتحبى النقد؟
جدا
6-بتحبى النصيحة؟
اكيد
7-بتحبى العتاب؟
طبعا لان ده بيبين غلاوتى عند الى بيعاتبنى
8-ايه اغلى هدية جتلك ومتقدريش تفرطى فيها؟
القط بتاعى
9-عرفتى المنتدى منين؟
من منتدى المكوك حسن مصطفى
10-لمن تعطى هذه الالقاب:
عضو نشيط:محمد حمدى حسن و yoyo
عضو حزين: ربنا مايجيب حزن
عضو متفاءل: ميس مى
عضو رزل: عضو كان فى المنتدى وطردناه
11-مين قدوتك؟ امى
12-ايه رايك فى كل من:
محمود: طيب وحبوب و قلبه على الى حواليه وواد زى العسل
ميسون:حبيبتى مجنونه وطيبه وفيها كتير منى
ضى القمر: ذوق ومحترمه ولذيذه
ايه مجدى يا رب تكون تعرفيها :طبعا اعرفها من زماااااان بنت زى العسل وطيبه اوى مشفتش اطيب منها
شيماء عامر:نشيطه وعسوله
واخيرا انا:انتى طيبه وبحس انك متدينه اوى ما شاء الله وعلى خلق عالى وذوق جدا

انتى ليه ما جوبتيش ع اسالتى هى الاسئلة وحشة

ليه منا جاوبت اهو

ضى القمر كتب:

ليه كده يا yo yo كل واحد ليه يوم ويقعد على الكرسى وربنا معاكى وقلبى كمان معاكى ياآية ويوفقك فى الرد.


شكرا يا ايوية على كلامك الجميل عنى بالرغم من اننا مش تكلمنا غير مرة واحدة

وعارفة انا شفت الموضوع ده كتير وسالت فيه كتير وشفت ردود كتير بس اللى عاجبنى فى الموضوع هنا هو ردودك اللى عجبتنى جدا لانى بحب اشوف ايه اللى فى دماغ الاعضاء قبل ما اتعامل معاهم يعنى مش بتسرع فى الكلام معاهم

بس والله عجبتنى دماغك فى الردود هنا وعلى فكرة انا مش بجامل اى عضو اللى بحسو من ناحيته بقوله على طول علشان كده انا بحب اتعامل معاكى ويارب نكون اصحاب واخوات لانى يشرفنى اوى انى اتعامل معاكى

اما سؤالى فهو بسيط جدا :_
التوقيع بتاعك فى المنتدى ازاى اخترتيه وليه ده بالذات البنت والوردة يعنى بيمثل ليكى شىء علشان كده اخترتيه ولا مجرد توقيع عادى عجبك ...؟؟؟؟؟؟

احلى سلالالالالالالالالام .............ضى القمر

ربنا يخليكى يا قمر وبجد كلامك ده انا افتخر بيه


وبالنسبه للتوقيع فانا حسيته بيفكرنى بنفسى معرفش ليه فحطيته