موضوع: مسلسلات رمضان 2011 عندنا هنا وبس حصريا... الأربعاء يوليو 27, 2011 11:29 pm
اللهم بلغنا رمضان واكتب لنا فيه الغفران واعتق رقابنا من النار
فعلا العنوان بجد مسلسلات رمضان عندنا هنا فى
احلى حياة فى طاعة الله
اول مسلسل
هيكون ان شاء الله هيبدأ قبل رمضان بيومين واسمه ان لمعدتك عليك حق وهو بطولة معظم الناس معظم الناس قبل رمضان .. بتشترى اكل بكميات كبيرة تحت شعار
** رمضان بيحب الأكل **
وبيبقى فى اماكن تانية ناس جعانة ومستنية منك لو كيلو مكرونة
والمسلسل دة بيتكرر كل رمضان وبتدور القصة حول ان بعض الناس بتبالغ فى العزايم والاكل اللهم بارك يأكل منطقة وفى الاخر يتبقى من الناس وبيترمى فى الزبالة
ويكون فى ناس تانية محتاجة الاكل اللى بيترمى دة
المسلسل التانى
زحمة يا دنيا زحمة .. وانا صايم ومش طايق ..
والمسلسل هيعرض ان شاء الله فى نهار رمضان .. وحلقة الاعادة .. قبل موعد الافطار بساعة
ومكان تصوير المسلسل الشوارع وبتدور قصة المسلسل بين كل الناس تحت شعار صايم ومش طايق ودة مشهد صغير منه كيلاكـــــيت 3 ..... 2 ...... 1...
( فى التاكسى شاب ملتزم مع السائق )
الشاب : مش طايق ليه يعم الحج ؟
السائق : انت مش حاسس بالحر والزحمة
الشاب : طب وهتعمل ايه يوم القيامة ؟
السائق : شوف انا بكلمك فى ايه وانت بتكلمنى فى ايه
الشاب : طب معلش استغفر ربنا عشان تهون على نفسك وتاخد اجر الاستغفار
السائق : ياعم بقولك حرااااااااان تقولى استغفر
الشاب : طب بس اهدى كدة انت عارف ان كل ما يكون الصيام صعب كل ما يزيد اجرك عند ربنا ..
السائق : ونعم بالله ربنا يهون علينا الزحمة دى ماهو الواحد مش ناقص .. ( ويعدى واحد يكسر عليه بسيارته .. ويبدأ قاموس من الشتائم .. وفى النهاية بعد ان تنهمر الالفاظ كالمطر يقول ) مش عايزين نخسر صيامنا عليكوا دى العربية اللى جايبهالك ماما ؟ ما انت لو بتشقى زينا مكنتش عملت كدة ..
هوة انت كدة مخسرتوش الله المستعان نزلنى هنا على جنب جزاك الله خيرا ( وبعد ما يمشى يقول السائق ) ايه ياعم الناس الغريبة دى هوة مش صايم زينا ولا ااااايه هادى كدة وعمال يستغفر فى سره دة حتى كدة ريق الواحد ينشف .. ولا على رايه احسن ما ينشف فى الشتايم .. اللى انا قولتها .. سامحنى يارب
اما المسلسل الثالث
وهو بطولة ابليس
اسمه ( السجاير مبتفطرش )
ودة بطولة مجموعة من الشباب بطولة مشتركة وضيف الشرف النفس الامارة بالسوء
عمرو : صايم الحمد لله ياعم السجاير مبتفطرش تاخد واحدة تلاقيك على لحم مخك من الصبح مين اللى ملى دماغك بكدة ؟
مصطفى : ملى دماغى ايه ياعم هية دى محتاجة حد يملى دماغى ..
عمرو : المهم يعم الشيخ رايح على فين كدة؟
مصطفى : رايح المسجد اصلى لسة مخلص شغل قلت اروح اصلى العصر واقرا قرآن لحد المغرب..
عمرو: بجد لا قلقتنى عليك .. انت بقيت بتروح مساجد .. ومن شوية تقولى السجاير حرام وبتفطر .. لا انا كدة قلقت .. ايه ياعم الجو دة فك كدة .. اقولك انت ابن حلال ورزقك فى رجليك .. انا رايح خيمة بليل تيجى .. هندوس ونقضيها للسحور والبت نانسى ودينا جايين
مصطفى : لا اله الا الله .. ايه يعم انت فى الضياع علطول كدة .. لا يعم ربنا يهديك تعالى انت معايا المسجد .. وبليل بقة هنروح تانى نصلى تهجد بس جرب ..
عمرو: مسجد ! يااااااااااه اتاخرت على ماتش الكورة يللا سلام بقة ..
مصطفى : وعليكم السلام ورحمة الله وبركاته اما بقى المسلسل الرابع
ودة بطولة اسرة ملتزمة
عارفة يعنى ايه صيام ويعنى ايه رمضان؟ ومش محتاجة اتكلم عنهم وارجو من الله ان يجعلنا جميعا ممن يقدرون هذا الشهر الاسرة دى عارفة ان رمضان صيام مش عن الاكل بس ؟ عارفة ان رمضان قرآن وقيام .. عارفة ان رمضان فرصة ولازم نستغلها .. اما المسلسل الاخير..
.. تفريغ لجزء من محاضرة صناع الفساد .. " للدكتور حازم شومان " وهوة بجد مسلسل مش هزار ممثلين وممثلات
طب احنا بنعمل ايه ؟ واحد شاف شاب وقتاه واقفين فى الشارع بيهزروا ويضحكوا وواقفين فى منظر سئ قالهم استنوا تعالوا اطلعوا معايا بيتى وقعدهم مع بعض وقالهم كملوا ونده لولاده ومراته وقعدوا يتفرجوا عليهم تخيلوا الناس هتقول عليه ايه؟ هتقوله انت بتدخل الشيطان بيتك وبتدمر ولادك رد وقال عادى ..
تخيلوا معظم اباء المسلمين عملوا كدة انت عارف المسلسلات اللى ابنك بيتفرج عليها بتعمل فيه ايه ؟ انت عارف المشاهد اللى بنتك بتشوفها وانت قاعد جمبها بتعمل فيها ايه ؟.. بتضيعهم اد ايه ؟
احنا دلوقتى دينا بيتحارب بهذه الامور متقوليش تنوير متقوليش فن هادف متقوليش بيدونا خبرات فى الحياة
يا جماعة هذه المسلسلات وهذه الافلام & حـــرام & خافوا على قلوبكوا حافظوا على قلوبكوا كل مشهد وكل منظر بيطبع على قلبك
موضوع: رد: مسلسلات رمضان 2011 عندنا هنا وبس حصريا... الخميس يوليو 28, 2011 3:38 am
شكرا يا لؤلؤة الجنة موضوعك جميل جدا واكتر حاجة بتضايق منها ان فى ناس بتطلع وتفتى وتقول السجاير مبتفطرش لما هى اصلا حرام شرعا يبقى ازاى مش بتفطر لا اله الا الله
لؤلؤة الجنة
مشرفه
عدد الرسائل : 2192
العمر : 28مكان تواجـــدك : مصر (المنصورة)الحالة : متـفائــــلةاللاعـــب المفضــل : الصقر وتريكةالمزاج : الجنسية : نقاط : 2311
موضوع: رد: مسلسلات رمضان 2011 عندنا هنا وبس حصريا... الجمعة يوليو 29, 2011 4:45 pm
real falcon كتب:
شكرا يا لؤلؤة الجنة موضوعك جميل جدا واكتر حاجة بتضايق منها ان فى ناس بتطلع وتفتى وتقول السجاير مبتفطرش لما هى اصلا حرام شرعا يبقى ازاى مش بتفطر لا اله الا الله
انتى اجمل يا حسناء شكرا يا قمر على مرورك والناس اللى بتقول السجاير مبتفطرش هما اللى عايزين كدة رغم انهم معتقدين انها حراااااااااام بس بيصبروا نفسهم للاسف بسبب الغبى اللى اسمه جمال البنا اللى افتى الفتوى دى
نودى 17 صقر ذهبي
عدد الرسائل : 2772
العمر : 28مكان تواجـــدك : in alexالحالة : love a7med 7assan sooooo muchاللاعـــب المفضــل : my love a7med 7assanالمزاج : الجنسية : نقاط : 2815
الأربعاء يوليو 27, 2011 11:29 pm
