نص الحوار الكامل لاحمد حسن ف البيت بيتك ..

08:49:40 * م *
الاثنين 5/6/2006 م

تم استضافة كابتن احمد حسن في البيت بيتك وكان حوار جميل جدا مع تامر أمين ومني الشرقاوي.
*****************************************************
*تامر بدأ الحوار ورحب بكابتن احمد وسأله يحب يبدأ بإيه ؟؟؟
*كان رد كابتن احمد : ابدأوا باللي انتوا عاوزينوا .. أنا جاهز!!!
مني قالت:مبروك انتقالك نادي اندرلخت يا كابتن بعد رحلة نجاح طويلة في تركيا *وقالت كمان : انا رحت تركيا كتير جدا وشفت اد ايه تركيا كلها
بتحب كابتن احمد لدرجة انه مش عارف يمشي في الشارع بسبب البنات المعجبين بيه
*كابتن احمد ضحك ومعلقش.
* اضاف تامر: طبعا كابتن احمد سلسلة متواصلة من النجاح ومحبوب من كل الناس وقدر يثبت نفسه.
* مني قالت : اللي انت متعرفهوش يا تامر ان كابتن احمد كان الموديل بتاع فريقه ( يعني كل فريق بيختار أجمل وأشيك لاعب عشان يسوق
منتجات الفريق سواء برفان او كابات او تيشيرتات او كوتشيهات ) وكابتن احمد هو الموديل بتاع فريقه في تركيا من أول ما راح سنة 2000 .
*كابتن احمد قال: فعلا دة صحيح و انا كنت الموديل بتاع النادي بتاعي في تركيا من اول ما رحت هناك .
*تامر قال : انا زعلان منك يا أبو حميد .. مش كنت تبعتلي برفان تركي من بتاع النادي بتاعك !!!! ( اصل تامر مذيع مرح شوية )
وكمان قال: انا سمعت ان المقابل المادي اللي عرضه عليك نادي اندرلخت البلجيكي عشان تنضم ليه غالي جدا جدا
وهو اغلي سعر للاعب مصري في بلجيكا.
* استظرف تامر وقال لكابتن احمد : قدامك 3 اختيارات .. يا إما تقولنا عن العرض اللي عرضه عليك اندرلخت ، أو المقابل المادي اللي بتا خده
كموديل للنادي بتاعك ... ، عرض نادي سبانيول اللي انت رفضته .
* كابتن احمد حسن ضحك وكبس تامر وقاله : انا شايف ان التلاتة يخصوني !!!
*سألت مني وقالت لكابتن احمد : اية رأيك في ماتش اسبانيا ؟
* كابتن احمد قال : انا شايف ان ادائنا مكانش وحش وان احنا ادينا بشكل كويس قدام فريق قوي جدا زى أسبانيا .. ومع ذلك المباراة خرجت 2/0
بس هي نتيجة كويسة ومش مهم النتيجة المهم ان احنا استفدنا من التجربة ولعبنا حلو جدا غير ان احنا كان قدامنا أربع فرص لكن عشان حارس
مرماهم كان قوي ما اتوفقناش في ان احنا نجيب اجوان لكن الحمد لله علي كل حاجة .. والجمهور كمان خرج راضي عن أدائنا .. غير كدة إنها
مباراة ودية يعني مش هتـــأ ثـــر .، بس انا سمعت الأسبان بيقولوا ان مصر متستحقش لقب بطلة إفريقيا .. انا شايف ان الكلام ملهوش
لزمة لأننا خدنا اللقب وعن جدارة وهنفضل لمدة سنتين أبطال إفريقيا . ( معني كلامه ان الأسبانيين اللي مش عاجبهم لعبنا يخبطوا دماغهم
في الحيطة ) !!!
* وكالعادة تامر حشر نفسه وسأل كابتن احمد : إيه رأيك في انتقال عمرو ذكي لنادي لوكوموتيف من 4 شهور ؟( أصده إن من ساعة ما راح
ملعبش ولا ماتش بحجة انه ( متصاب ) رغم ان ما فيهوش حاجة خالص )
*كابتن احمد قال : من ناحية ؟
* تامر قال : من ناحية الشمال . ( بيتذاكى ) !!!
*كابتن احمد ضحك وقال : طب ومن ناحية اليمين ( بيرد علي استظراف تامر ) وسكت شوية وقال: نوضح اكتر ؟

* تامر قاله : يعني من أول ما راح لحد إشاعة رجوعة الزمالك .

* رد كابتن احمد وقال : الغلط ممكن يكون من عمرو لأنه ما عرفش يتأقلم ع الجو واللعب برا مصر .. او ممكن تكون إدارة ناديه مش شايفة
ان دة الوقت المناسب عشان عمرو ينزل يلعب .، وكمان الاحتراف هو انك تاخد علي الجو برا يعني انا مثلا أول ما رحت تركيا كنت كل يوم
أقول أنا هنزل مصر لحد ما إتأ قـلمت ع الجو واتعلمت اللغة التركي والإنجليزي وبقت حاجة عادية. وانشاءالله في بلجيكا هتعلم اللغة الفرنسية في
أسرع وقت لأنها اللغة الأساسية هناك وهعلمهم اللغة التركية والعربي كمان في بلجيكا .

*سألت منى وقالت : ايه هدفك الأساسي انك تنتـــــقـل بلجيكا يا كابتن احمد ؟
* قال: انا بحاول إني ارفع مستوايا اكتر واتنقل لدوري أفضل.. خصوصا ان نادي اندرلخت اسم كبير في الكرة الأوروبية .. وكمان انا رايح افتح
سوق للاعبين المصريين.. يعني أنا لما يشوفوني بلعب حلو ومستوايا كويس هيخدوا فكرة حلوة عن اللاعبين المصريين وبالتالي هيــتــفتح باب
الاحتراف للاعبين المصريين
*تامر : هايل يا كابتن هو دة بقي إنكار الذات والروح الرياضية الحلوة.
*مني قالت : الحقيقة الحوار خلص معاك بسرعة جدا يا كابتن وإحنا استمتعنا جدا وانشاءالله تكون معانا مرة ثانية في البيت بيتك
* تامر قال : إحنا فعلا مبسوطين جدا يا كابتن ان حضرتك شرفتنا ومتنسانيش بقي في ( البر فان )
* رد كابتن احمد وهو بيضحك : التركي ولا البلجيكي ؟!!
* رد تامر : والله كله حلو ( وياريت لو الاتنين )
* ضحك كابتن احمد أوي وقال : انا كمان مبسوط جدا إني انهار دة في البيت بيتك وشكرا ليكم علي استضافتكم ليا .

******************************************************
وكان احلي حوار في البيت بيتك ودي كانت المرة الثانية لكابتن احمد في البيت بيتك ،
المرة الأولي كانت بعد ما أخدنا كاس أفريقيا .. استضافوه يوم 12/2/2006 م

مرسسسسسسسسسى اوى

ميرسى كتيييييييييييييييير يا سارة على الموضوع ااجامد دة

تامر غلللللللللللس و اغلس واحد شفته معتز

المهم شكرا على الحوار الجميل ده

شكراااااااااااااا كتير يا سارة على الحوار الجميل أوى دة

شكراااااااااااااااااا كتير يا سارة الحوار جميل أوى ميرسى

a7med hassan dmo khafif awy we zay el3asal ana magnoooooooooooooona b7aga 2smha a7med 7assan

مرسىىىىىىىىى اووووووووووى على التوبيك.........................