استقاله الحكومه المصريه بعد مقتل خالد سعيد

السلام عليكم

استقاله
الحكومه المصريه بعد مقتل خالد سعيد

مانشيت صحفي اتمنيت الاقيه
في اي جريده مصريه سواء مستقله او قوميه او معارضه
لكن للاسف عمره ما هيحصل بعد
ما اتقتل خالد في بلد الامن والامان
رغم اني ارفض الاسم ده علي مصر لان البلد
اللي تتلقب باللقب ده يبقي فعلا تستاهل
واللي عرفته ان مصر بلد الامن والامان
للغريب والاجنبي لكن لاولادها للاسف بيتقتلوا فيها
يبقي سلمولي بقي علي الامن
والامان الي في مصر

اخترت المانشيت ده علشان ده اللي لازم يحصل
في اي
بلد متحضره متقدمه لو الشرطه ارتكبت خطا في حق اي مواطن وزير الداخليه بيستقيل

لكن هنا الوضع مختلف لان ولا دي بلد متحضره ولا متقدمه
وعلشان كده نحن
نختلف عن الاخرون وزير الداخليه بيتثبت في منصبه اكتر
مدام الفوضي هي اساس شغله
يبقي ده اللي يعمر في الحكومه
في رائ ان وزاره الداخليه جزء من الكيان الحكومي
الفاشل يبقي لما المسئولين فيها يعم ما بينهم الفساد
لازم يتقدم وزير الداخليه
باستقاله مسببه وسببها الاهمال ومن بعده تستقيل الحكومه الفاشله

ده غير
الافلام اللي اتفبركت عن حياه خالد ولا الافلام الهندي
اتقال ان كان معاه
مخدرات نفرض ان كان معاه مخدرات
يعني الحكومه سابت التجار الكبار وسابت البانجو
والحشيش والافيون يدخل بموافقتها البلد
وجايه علي شاب وضميرها فاق ده لو كان
فعلا معاه مخدرات مع اني اشك
لان ده سيناريو متعارف عليه لتبرير غلطهم
وحتي
لو كان معاه مخدرات هو بيضر نفسه هو حر لكن يتقتل ليه باي حق ؟؟؟
ده اول فيلم

الفيلم التاني :
انه هرب من الجيش يا سلام .... ارجع واقول خلاص قبضوا
علي كل الناس اللي هربت بره مصر
لحد سن التجنيد ما يعدي ومالقوش غير خالد برضه
سيناريو عارفينه وقديم اوي
محدش عارف فين الحقيقه غير خالد والناس الحقيره اللي
قتلوه
لو فعلا غلط كان يتعامل بشكل طبيعي ويمر بكل الاجراءات العاديه علشان
يتاكدوا
لكن مدام قانون الطوارئ ده موجود عمر البلد دي ما هتقدم
وهنموت
واحد ورا التاني علي ايد شويه بلطجيه معدومين الاحساس

اي حد شاف صور خالد
حس انه اخوه او صاحبه او قريبه شاب مصري زي اي شاب
مات بدون اي وجه حق نتيجه
بلطجه رجال الشرطه واستغلال المناصب
وان مفيش حد حاكم البلد السايبه دي كل واحد
شايف ان مصر دي بتاعته يعمل فيها ما بداله
يقتل وايه يعني يشوه ميضرش يموت قلب
اب وام واسره كامله علي ابنهم عادي

والله حرام ميرضيش ربنا
كل واحد
بيدي نفسه حق مش حقه
بس اللي عايزه اعرفه حق خالد فين حتي لو غلط ميموتش
ميتقتلش ويترمي في الشارع
اللي متاكده منه ان الموضوع هيموت كمان كام
يوم
ودم خالد هيبرد من بروده مشاعر المسئولين اصلهم قاعدين في التكييف
لو
خالد ده ابن مسئول كبير ياتري كان هيسكت ولا زمان البلد اتقلبت عليه
اللي عملوا
كده ياتري اتعاقبوا ولا سايبنهم في امكانهم علشان كل يوم يبقي في 100 خالد سعيد

يوم الجمعه في مظاهرات في اسكندريه والقاهره ووقفات احتجاجيه علشان خالد

خالد ابن بلدي اللي من كام يوم كان محدش يعرفه بس انهارده الدنيا كلها عرفته

كنا نتمني نعرفه في ظروف احسن من دي بكتير بس للاسف عرفنا لما مات
ربنا
يرحمه ويصبر اهله واللي معرفش ياتري الحكومه هتفكر تعوضهم ازاي عن قتلها لابنهم
؟

بس ياريت منقولش تاني لو كنا بنحبها بجد
علشان باللي بيحصل في البلد
دي كل يوم احنا هنكرهها بجد

كلامي قاسي انا عارفه ويمكن محدش يقبله بس كل
واحد يفكر ويشوف لو كان مكان خالد او اهله
موقفه كان هيبقي ايه ؟

منقووووووووووووول

تسلمى يا جميل على الموضوع
وياريت الحكومة المصرية تستقيل
بس للأسف دة عمره ما هايحصل
طول ما الريس ماسك فى الكرسى ومش عايز يسيبه

ميرسي ياقمري لمرورك نووورتى التوبيك
وربنا يرحمه ويسكنه فسيح جناااااااااااااااااااااااته
ومينفعش بجد ان اي حد تكون نهايته كده حراااااام بجد مهما كااااااااااان

ربنا يرحمة ومرسي على التوبيك الجامد دة

ميرسي يااقموره لمرورك نورتى التوبيك

حكومة معندهاش دم او كرامة

ميرسي لمرورك نورت التوبيك

فعلا عندك حق فى كل كلمه قولتيها
وحسبى الله ونعم الوكيل

الله رحمه ويدخله فسيح جناته

انا شوفت صوره بعد اللى حصل ماقدرش اقول غير

حسبنا الله ونعم الوكيل

شكرا يا قمر على التوبيك
ربنا يرحمه ويصبر اهله
الحقيقة ان المفروض كله يستقيل و اولهم وزير الداخلية و وزير التعليم اللى قضى على اخر امل ان يكون في جيل واعي وفاهم ومتفائل يقدر يحقق اي حاجة بس للاسف العكس اللى حصل ودمرنا كلنا نفسيا وخلانا نشوف احلامنا وهي بتضيع
وعلى العموم كل واحد بيستلم المهمة ويسلمها للى بعده والضحية اكيد الشعب

صح كلامك كله صح ياقمري بس تقولى لمين بقي كل واااااااااحد شاايف نفسه هو الصح وبس واحنا الضحيه ربناا يرحمه ياااااااااااااارب ويصبر اهله وينتقم من الي عملو فيه كده حسبي الله ونعم الوكيل فيهم
وميرسي يااقمري لمرورك نورتى التوبيك