مقتل خالد محمد سعيد

بسم الله الرحمن الرحيم

اعتقد ان معظمنا سمع وشاف وقرأ عن مقتل الشاب خالد سعيد
انا قررت اجيب القصة للي ميعرفهاش وعايزة اشوف ردكم ع اللي حصل
شاب مصري في ال28 من عمره
شاب عادي وبسيط زيه زي اغلب المصريين .. شاب في حاله ومش بتاع سياسه ولا هو معارض ولا حتى حزب وطني ،، شاب ماشي جنب الحيط بالأصح
في يوم خالد كان نازل سايبر النت اللي قصاد بيتهم في منطقة سيدي جابر – محافظة الاسكندريه
ويادوبك دخل السايبر ودخل وراه اتنين مخبرين كتفوه من ورا ونزلوا ضرب فيه وتخبيط في دماغه .. راح صاحب السايبر افتكرهم جايين يقبضوا عليه لأي سبب فخرجهم من السايبر ،، راحوا ساحبين خالد لمدخل العماره اللي قصاد السايبر ولأكتر من 20 دقيقه نزلوا ضرب فيه بالشلاليت والأقلام لغاية لما اغمى عليه .. وبعدين واحد فيهم مسك دماغ خالد ونزل رزع فيها في سلام العماره الرخام والدرابزين لغاية لما اتهشمت تماما
وراحوا شايلين خالد – زي الدبيحه – ولا حول ولا قوة الا بالله وراحوا رموه في البوكس وطلعوا بيه على قسم الشرطه وسط ذهول ورعب من المواطنين اللي شافوا الجريمه البشعه دي وماقدروش ينجدوه حتى ..
وبعد ما يقرب من 8 لـ 10 دقايق رجع البوكس ورموا جثة خالد في مدخل العماره ..
جات عربية اسعاف ماحدش يعرف مين اللي جابها وأمُر المسعفين بكتابة تقرير ان خالد مات مختنقا نتيجه ابتلاعه للفافتين حشيش وقفوا في قصبته الهوائيه ..
وجاء رجالات مباحث قسم شرطة سيدي بشر الى المنطقه ليس من أجل التحقيق وانما من اجل ممارسة كل انواع الضغط والارهاب على شهود الواقعه وأهل المنطقه لثنيهم عن الشهاده على الواقعه
ودلوقتي عايزة اوريكم خالد قبل الضرب وبعده
مقتل خالد محمد سعيد 28204_129363120427048_129237763772917_238094_3618766_n

مقتل خالد محمد سعيد 28204_129363120427048_129237763772917_238094_3618766_n

مقتل خالد محمد سعيد 28204_129308833765810_129237763772917_237815_6666838_n

ودا بعد الضرب

مقتل خالد محمد سعيد 28204_129264927103534_129237763772917_237680_3846366_n

قولولي مين ممكن يعمل كدة؟؟؟وبالذمة دا شكل واحد مات بسبب المخدرات؟؟
ودا اصلا شكل واحد بيشرب مخدرات؟؟؟
ملحوظة.......خالد عنده شركة استيراد وتصدير

منهم لله
والله

شكرا على الموضوع
الى المفروض يحمو الناس يضربوهم لدرجة الموت
حسبى الله ونعم الوكيل فيهم

وعمار يا مصر

حسبنا الله ونعم الوكيل

بس من غير سبب كده ؟؟

» استقاله الحكومه المصريه بعد مقتل خالد سعيد
» الزمالك يتعاقد مع الأردني خالد سعد لاعب الفيصلي .
» القيعي : لم نتعاقد مع إبراهيم سعيد .
» ابراهيم سعيد يفكر فى الاعتزال
» مصادر ترجح عودة ابراهيم سعيد للأهلى .